Hramadstva77

Rasijskija machlary durać hałovy biełarusam, paklikaŭšy na padmohu Azaronka

U stužcy biełaruskich karystalnikaŭ fejsbuka stała masava źjaŭlacca rekłama ŭdziełu ŭ finansavych schiemach, jakija nibyta dazvalajuć zarablać kazačnyja sumy. Pry hetym, jak zaŭvažyła vydańnie Media IQ, u takich schiemach ašukancy stali vykarystoŭvać imia i fota biełaruskaha prapahandysta Ryhora Azaronka, rasijskaha prapahandysta Uładzimira Sałaŭjova, a taksama łahatypy biełaruskich dziaržaŭnych ŚMI «Biełaruś 24» i «BiełTA».

Skrynšot rekłamy i fejkavaj publikacyi

Media IQ vyśvietliŭ, što rekłamnyja pasty ź videa, jakija raskazvajuć pra «historyi pośpiechu» i zaklikajuć dałučacca da «inviestycyjnych prahram», zapuščanyja z uzłamanych akaŭntaŭ u fejsbuku — jak asabistych staronak, tak i pablikaŭ kampanij, pryčym z roznych krain, u tym liku arabskich. U videa vykarystoŭvajucca taksama brendy biełaruskich kampanij — «Biełaruśkalij», «Hazpram Transhaz Biełaruś».

Miarkujučy pa ahučcy i tytrach, videa stvoranyja nie biełarusami — vierahodna, da hetaha datyčnyja rasiejcy. Prynamsi, pra heta moža śviedčyć charakternaja havorka hierojaŭ videa, a taksama abaznačeńnie krainy jak «Biełoruśsija».

Spasyłki ŭ pastach viaduć na sajty z doŭhimi niečytelnymi adrasami. Pry pierachodzie na takija sajty karystalnik bačyć pole dla napisańnia numara telefona i inšych asabistych danych.

Cikava, što heta adbyvajecca tolki tady, kali IP-adras karystalnika — biełaruski. Pry pierachodzie na sajt z terytoryi Jeŭropy pa toj ža samaj spasyłcy adlustroŭvajecca inšy kantent — niejtralnyja artykuły pa finansavaj tematycy.

Skrynšot fejkavaj publikacyi

Što tyčycca vykarystańnia imionaŭ Azaronka i Sałaŭjova, to heta robiać taksama dziela padachvočvańni karystalnika pierajści pa spasyłcy, jakaja moža być fišynhavaj. Dla hetaha publikujuć karcinki ź intryhoŭnym zahałoŭkam i łahatypam dziaržaŭnaha infarmacyjnaha ahienctva BiełTA.

U niekatorych vypadkach stvarajuć navat kłon staronki z fejkavaj publikacyjaj BiełTA, u jakoj Azaronak nibyta raskazvaje Sałaŭjovu pra svoj udzieł u finansavaj piramidzie «Hazpram-Inviest».

Skrynšot fejkavaj publikacyi

Bolš za toje, ašukancy stvaryli videa, u jakim sabrali ŭ adnym fłakonie i praŭładnych prapahandystaŭ, i «ekstremistaŭ»: na fejkavym akaŭncie BiełTA viadučaja «Małanka Miedyja» Kacia Pytleva nibyta začytvaje navinu pra Azaronka, jaki vystupaŭ u pieradačy Sałaŭjova. Pry hetym «havoryć» i sam Azaronak — vierahodna, hołas byŭ padrobleny z dapamohaj štučnaha intelektu.

Skrynšot fejkavaha videa machlaroŭ

Darečy, vykarystoŭvajučy łahatyp «Małanki», ašukancy raspaŭsiudžvajuć «ekstremizm» — miedyja było abjaŭlena ŭ Biełarusi «ekstremisckim farmiravańniem».

Za 12 hadzin z momantu publikacyi videa jano nabrała zvyš 12 tysiač prahladaŭ, pry hetym tolki dźvie reakcyi — «smajliki». Rekłama z padobnymi spasyłkami źjaŭlajecca ŭ stužcy fejsbuka tolki ŭ tym vypadku, kali karystalnik zachodzić u sacsietku z mabilnaj pryłady pad biełaruskim IP-adrasam.

Na kaho moža być raźličanaja takaja rekłama? Padobna, što tolki na aŭdytoryju dziaržaŭnych miedyja, na tych, dla kaho Azaronak i ŭłada ŭ cełym źjaŭlajucca aŭtarytetami. 

@nashaniva Azaronak staŭ inviestaram! Praŭda, nie sapraŭdnym #hrihorijazarienok #azaronak #biełaruś #minsk #biełaruskityktok #biełaruskiciktok #naviny #łukašienko #biełaruśnovosti #hazprom ♬ orihinalnyj zvuk - Naša Niva. Naviny

Kamientary7

  • juju
    25.01.2024
    v jutubie połno riekłamy "Hazprom Narodnoje dostojanije"... 
    Nie tolko azarienok a łukašienko i dažie hołos samoho putina obieŝajet biełarusam dolu v hazpromie....  v poślednije niedieli počti každyj dień vižu.... 
  • Vładisłav
    26.01.2024
    Šarłatany ŭsich krain abjadnoŭvajucca
  • Pest control
    26.01.2024
    Tyja chto fapaje na aźviaronka zasłuhoŭvajuć być ašukanymi.

Ciapier čytajuć

«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany12

«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany

Usie naviny →
Usie naviny

Ryžankoŭ pračytaŭ vierš pa-biełarusku da Dnia Pieramohi18

Azijacki matylok pajeŭ samšyt na Bieraściejščynie2

Łukašenka pra parad Pieramohi ŭ Maskvie: Heta samy lepšy, samy mocny parad8

Łukašenka: Rasija daŭno hatovaja nie prosta da pieramirja va Ukrainie, a da zaklučeńnia miru14

U Minsku admianili tankavy fiestyval ad Lesta na 9 Maja. A abiacali «miehapadzieju»5

Italjanski inžynier prydumaŭ, jak pryŭźniać Vieniecyju na 30 santymietraŭ

Kala Pucina pasadzili marpiecha, jakoha vinavaciać u zabojstvach u Maryupali4

«Ciažka načami nie spać». Fiermiery palać vohniščy, kab uratavać bujaki ad zamarazkaŭ15

Pucin amal nie kazaŭ pra vajnu va Ukrainie padčas Paradu Pieramohi3

bolš čytanych navin
bolš łajkanych navin

«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany12

«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany

Hałoŭnaje
Usie naviny →

Zaŭvaha:

 

 

 

 

Zakryć Paviedamić