Łukašenka niaščadna palapšaje inviestklimat u krainie. Jašče adna navacyja dla zamiežnych biznesmienaŭ
Miery pa procidziejańni vyvadu kapitału ź Biełarusi pavinny ŭklučacca vokamhnienna, zajaviŭ Alaksandr Łukašenka na naradzie z kiraŭnictvam Saŭmina. I anansavaŭ čarhovyja miery.
Adnoj z tem narady 18 studzienia stała supraćdziejańnie vyvadu kapitału.
Łukašenka ŭpeŭnieny, što Biełaruś prapanuje zamiežnym inviestaram adny ź lepšych umoŭ u śviecie, u ich liku prefierencyi, ilhoty, infrastrukturu i šmat inšaha: «Prychodź i pracuj», — skazaŭ jon.
Prablemy ž, jak vynikaje, pačnucca, kali inviestar stanie atrymlivać prybytak.
«Prychodź i pracuj. Ale nie dziela nažyvy za košt našaha naroda, — udakładniŭ Łukašenka. — A kali niechta pasprabuje, jość miechanizmy supraćdziejańnia i ŭrazumieńnia».
Łukašenku chvaluje adtok hrošaj u «niedružalubnyja» krainy, a taksama «metanakiravany vyvad prybytku za miežy Biełarusi».
«Na praktycy zaharadžalnyja miery pavinny ŭklučacca vokamhnienna i biez usialakaha razvarušvańnia», — zapatrabavaŭ jon.
«Kab abaranić našu ekanomiku ad biaźmiežža Zachadu va ŭmovach narastalnaha sankcyjnaha cisku, my pryniali šerah sistemnych dakumientaŭ, i siońnia ni adzin akcyjanier abo ŭłaśnik, jaki maje hramadzianstva niedružalubnaj krainy, nie maje prava bieź śpiecyjalnaha dazvołu ŭrada i ŭniosku ŭ biudžet raspradavać majomaść, ahalajučy asnoŭnyja fondy ekanomiki», — nahadaŭ jon.
Jak prykład Łukašenka pryvioŭ Makdonalds, ź jakim u Biełarusi «vydatna razabralisia». «My damovilisia: nijakaj majomaści my nikomu nie pradajom, nie pieradajom, kali ŭ vyniku sankcyj ci niejkich inšych pryčyn zamiežniki, jakija majuć tut ułasnaść, pradpryjemstvy, kampanii, sychodziać z našaha rynku.
Jak ja kazaŭ, daśvidos — my raźbiaremsia sami. I, jak pakazvaje toj ža «Makdonalds», my vydatna ŭ hetym razabralisia: ludzi z zadavalnieńniem chodziać tudy», — dadaŭ jon.
Što budzie novaha
Raniej biełaruski ŭrad vyznačyŭ paradak vydačy dazvołaŭ na prodaž biznesu zamiežnikami i inšyja padobnyja dziejańni.
Ciapier zamiežniki buduć atrymlivać dazvoł nie tolki na prodaž akcyj ci dolaŭ u kampanijach. Dazvoł treba budzie taksama na prodaž majomaści (doli ŭ joj) i na rearhanizacyju jurydyčnaj asoby, u jakoj siarod ułaśnikaŭ jość zamiežnyja hramadzianie.
Orhan ułady ŭ svaju čarhu nie tolki vyrašyć, ci mahčymy prodaž biznesu, ale i vyznačyć, jaki ŭniosak za heta treba zrabić u dziaržbiudžet.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa bačyli amal paŭmiljarda čałaviek. Što ź im ciapier?
Kamientary