Nie tolki Tinder. Dzie ciapier šukać paru — na ŭsio žyćcio i na adnu noč
Bolš za 75 miljonaŭ čałaviek amal z 200 krain vykarystoŭvajuć Tinder dla pošuku stasunkaŭ. Na žal, z 15 lutaha papularny dadatak spynić svaju pracu ŭ Biełarusi. Ale jość alternatyŭnyja varyjanty.
U našu padborku patrapili nie tolki papularnyja mabilnyja dadatki, ale i inšyja pravieranyja mietady.
Dadatki
Twinby: servis pravierki sumiaščalnaści
Kali lanotna adbirać partniora samastojna, na dapamohu prychodziać technałohii. Raspracoŭnkiki Twinby prapanujuć prajści nievialikija testy — ich vyniki i stanuć padstavaj, pa jakim ałharytm ŭ dalejšym budzie padbirać vam partnioraŭ.
Jak i ŭ Tyndary, u Tvinbaj možna svajpać ludziej i stvarać čaty. Taksama servis daje mahčymaść karystacca štotydniovaj padborkaj patencyjna cikavych ludziej, jakaja budzie sabrana śpiecyjalna «pad vas».
PURE: ananimnyja znajomstvy
Pure dapamoža znajści partniora na adnu noč: dla hetaha dastatkova cikava raskazać pra siabie i svaje prychilnaści i pačać znajomicca. Dla hetaha možna skarystacca kłasičnaj pierapiskaj, śpiecyalnymi hulniami ci videa-čatami.
Raspracoŭščyki padumali i pra toje, jak raźniavolić raniej nieznajomych ludziej — dla hetaha dadatak uzmocnieny roznymi cikavymi fiškami. Tamu navat kali z partnioram vam nie pašancuje, čas vy prabavicie viesieła.
Vox: pasłuchaj i zakachajsia
Prapanujem pasprabavać inavacyjny dadatak dla znajomstvaŭ hołasam. Asnoŭnaja razynačka Vox — na pačatku stasunkaŭ ty nie bačyš čałavieka, a vybiraješ paru vyklučna pa hałasavym paviedamleńni. Siurpryzaŭ ad takoha znajomstva moža być šmat, zatoje dośvied budzie sapraŭdy cikavym.
Badoo: sacyjalnaja sietka dla znajomstvaŭ
Sacyjalnaja sietka abjadnoŭvaje ludziej z usich krain śvietu. Choć hałoŭny ofis kampanii raźmiaščajecca ŭ Łondanie, dadatak dobra pracuje i ŭ Biełarusi.
Cikava, što sietku možna vykarystoŭvać nie tolki dla ramantyčnych spatkańniaŭ, ale i dla pošuku novych siabroŭ.
«Babuliny» mietady
Chutkija spatkańni
Papularny ŭ Amierycy sposab znajomstva pryjšoŭ u Biełaruś niekalki hadoŭ tamu. Sutnaść mietadu prostaja: ludzi rassadžvajucca za stolikami pa dvoje i na praciahu niekalkich chvilin abmiarkoŭvajuć pytańni, zahadzia padrychtavanyja arhanizatarami. Paśla skančeńnia času pary mianiajucca i abmiarkoŭvajuć nastupnaje pytańnie ŭžo z novym partnioram. Takim čynam za viečar čałaviek paśpiavaje paznajomicca ź vialikaj kolkaściu patencyjnych «pałovak».
Usich upadabanych «suiskalnikaŭ» treba adznačyć u śpiecyjalnaj kartcy. I, kali ŭ vas zdarycca «metč», arhanizatary adpraviać kantakty spadabaŭšychsia vam ludziej.
Spatkańni ŭślapuju
Va ŭsich jość kłasnyja samotnyja siabry, jakich chočacca «pryładzić» u dobryja ruki. Tamu prosta ahučcie svajo žadańnie znajści paru i dajcie znajomym mahčymaść padabrać dla vas idealnaha, na ich dumku, partniora. Nie fakt, što ekśpierymient akažacca ŭdałym, ale cikavy viečar vam zabiaśpiečany.
Stary dobry padkat
Bahaćcie sacyjalnych sietak i dadatkaŭ dla znajomstvaŭ choć i palehčyła žyćcio, zatoje načysta pazbaviła sučasnych ludziej navyku znajomicca ŭžyvuju. Vidavočna, nadyšoŭ čas uspomnić, čamu nas vučyli ramantyčnyja kamiedyi! Nabirajciesia śmiełaści i miakka zaprašajcie svajho vizavi na kavu. Biezumoŭna, vam mohuć admović, ale zatoje nichto nie pieraškodzić hanarycca prajaŭlenaj śmiełaściu.
Zrešty, kali vy paśpieli sabrać u Tyndary «kvietnik» patencyjnych partnioraŭ i nie hatovyja rasstavacca z hetaj padborkaj, skarystajciesia VPN — jon dapamoža abyści błakavańnie.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary