«Rana ci pozna, my ich siudy dastavim». Kubrakoŭ paabiacaŭ pakarać biełarusaŭ, jakija źjechali za miažu
Ministr unutranych spravaŭ Ivan Kubrakoŭ paabiacaŭ represii navat tym, chto znachodzicca za miažoju.
«My pracujem nie tolki prafiłaktyčna, ale i ŭ apieratyŭnym płanie. Pracujuć našy padraździaleńni internet-raźviedki. Kali vy zaŭvažyli, asabliva ŭ pačatku elektaralnaj kampanii sprabujuć niedzie paŭpłyvać mienavita na kiraŭnikoŭ, na słužbovych asobaŭ.
Jość abrazy, jość pahrozy. Ale ŭsie jany dumajuć, što znachodziacca za miažoj i ich adtul dastać niemahčyma. Nasamreč, siońnia orhany ŭnutranych spravaŭ dakumientujuć kožny taki fakt, my raspačynajem kryminalnyja spravy. Za kožnaje słova — usim daviadziecca adkazać.
Rana ci pozna, my ich siudy dastavim. Abo jany pryjeduć sami. Heta ja śćviardžaju ŭpeŭniena», — skazaŭ Ivan Kubrakoŭ «Biełaruś 1».
Kubrakoŭ paabiacaŭ, što paŭtoru 2020 hoda nie budzie. Pavodle jaho słoŭ, kožny vybarčy ŭčastak budzie abstalavany knopkaj tryvožnaj sihnalizacyi i sistemami videanazirańnia.
«Raskažu na prykładzie Minska. Vydzielena śpiecyjalnaje pamiaškańnie, dzie buduć pracavać nie mienš jak 50 čałaviek. Kožny vybarčy ŭčastak i prylehłaja terytoryja buduć staranna kantralavacca. U vypadku najmienšaj niebiaśpieki buduć zamacavanyja hrupy chutkaha reahavańnia, jakija buduć akazvać dapamohu supracoŭnikam, jakija zabiaśpiečvajuć achovu paradku. Tamu situacyja znachodzicca ŭ nas pad kantrolem», — skazaŭ Kubrakoŭ.
Ciapier čytajuć
Zališniaje budaŭnictva: ci moža luboŭ biełarusaŭ inviestavać hrošy ŭ kvatery pryvieści da kryzisu na rynku nieruchomaści?17
Kamientary