«Samaja lepšaja prafiłaktyka — prymianieńnie zbroi» — Karpiankoŭ
Na ANT źniali prapahandysckuju prahramu, u jakoj adyjozny kamandujučy ŭnutranymi vojskami Mikałaj Karpiankoŭ pa svajoj zaviadzioncy prapahanduje samyja radykalnyja sposaby zmahańnia z unutranaj apazicyjaj, staviačy za prykład mietady, jakija va ŭmovach usiodazvolenaści siłavikoŭ vykarystoŭvalisia ŭ baraćbie z kryminałam.
«Samaja lepšaja prafiłaktyka dla bandyta-terarysta — heta prymianieńnie pa im zbroi», — upeŭnieny Karpiankoŭ.
«My žorstka padaŭlali ŭsie biesparadki, jakija byli — litaralna ŭ najkaraciejšyja terminy. Za hod my prajechali ŭsie zony i ŭsiudy naviali paradak. I ŭ nas tam paradak. I kali ty ciaham piaci chvilin pryjechaŭ, razabraŭsia z terarystam, źniščyŭ jaho i vyzvaliŭ zakładnikaŭ — ja skažu tak, hadoŭ ź piać-dziesiać takich momantaŭ nie adbyvajecca. Prytym nidzie: nie prosta ŭ nas niedzie ŭ hramadskich miescach, ale i ŭ turmach dy kałonijach. Tam taksama byli situacyi, kali zachoplivali zakładnikaŭ. Ale kali pryjazdžali i chutka raźbiralisia, pakazvali siłu dziaržavy — usio chutka stanaviłasia na svaje miescy», — raschvalvaje jon pracu svaich padnačalenych.
Ale ni Karpiankoŭ, ni stvaralniki prahramy nie chavajuć, što «siońnia navat nie heta pahroza numar adzin». Apraŭdvajučy siońniašniaje razrastańnie ŭ Biełarusi represiŭnych struktur («va ŭnutranych vojskach Biełarusi stvoranyja novyja śpiecyjalnyja padraździaleńni — minimum dziesiać»), jany chvalacca, što padraździaleńni ŭnutranych vojskaŭ uzbrojvajucca suprać unutranaj pahrozy navat artyleryjaj.
Kubrakoŭ nie vyklučyŭ, što amnistyju prymieniać i da palitźniavolenych. Ale ŭ zabojcaŭ šancaŭ bolš
«Navošta jaje ŭvohule pasadzili?» Łukašenka pra žančynu, jakaja atrymała 6 hadoŭ za zabojstva muža-ahresara
U Biełarusi zjaviŭsia «novy Jaŭhien Pryhožyn»?
Karpiankoŭ źjaviŭsia na vučeńniach z šaŭronam PVK «Vahnier»
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro10
Kamientary
Za łajk u internecie?