На АНТ знялі прапагандысцкую праграму, у якой адыёзны камандуючы ўнутранымі войскамі Мікалай Карпянкоў па сваёй завядзёнцы прапагандуе самыя радыкальныя спосабы змагання з унутранай апазіцыяй, ставячы за прыклад метады, якія ва ўмовах усёдазволенасці сілавікоў выкарыстоўваліся ў барацьбе з крыміналам.
«Самая лепшая прафілактыка для бандыта-тэрарыста — гэта прымяненне па ім зброі», — упэўнены Карпянкоў.
«Мы жорстка падаўлялі ўсе беспарадкі, якія былі — літаральна ў найкарацейшыя тэрміны. За год мы праехалі ўсе зоны і ўсюды навялі парадак. І ў нас там парадак. І калі ты цягам пяці хвілін прыехаў, разабраўся з тэрарыстам, знішчыў яго і вызваліў закладнікаў — я скажу так, гадоў з пяць-дзесяць такіх момантаў не адбываецца. Прытым нідзе: не проста ў нас недзе ў грамадскіх месцах, але і ў турмах ды калоніях. Там таксама былі сітуацыі, калі захоплівалі закладнікаў. Але калі прыязджалі і хутка разбіраліся, паказвалі сілу дзяржавы — усё хутка станавілася на свае месцы», — расхвальвае ён працу сваіх падначаленых.
Але ні Карпянкоў, ні стваральнікі праграмы не хаваюць, што «сёння нават не гэта пагроза нумар адзін». Апраўдваючы сённяшняе разрастанне ў Беларусі рэпрэсіўных структур («ва ўнутраных войсках Беларусі створаныя новыя спецыяльныя падраздзяленні — мінімум дзесяць»), яны хваляцца, што падраздзяленні ўнутраных войскаў узбройваюцца супраць унутранай пагрозы нават артылерыяй.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
За лайк у інтэрнэце?