Ramanava: Kuku.org admovicca ad sajta i całkam piarojdzie na inšyja placoŭki
Miedyjaprajekt Kyky, jaki isnuje z 2010 hoda i zajmaŭ nišu haradskoha anłajn-časopisa ŭ Minsku, płanuje admovicca ad sajta. Pra heta paviedamiŭ były hałoŭny redaktar vydańnia Viktar Mališeŭski.
Pavodle Viktara Mališeŭskaha, častka žurnalistaŭ zastajecca ŭ prajekcie, praciahnie pracu instahram i tyktok vydańnia, ale sajt vymušana prypyniaje pracu praz prablemy ź finansavańniem.
«U Kuku mianiajecca hałoŭny redaktar. My taksama mianiajem farmat i pierarablajem placoŭki, teścirujem novuju kamandu i źbirajemsia viaščać pa-novamu, kab być bolš cikavymi našym čytačam», — tłumačyć Saša Ramanava, suŭłaśnica Kuku, jakaja z 2013 hoda pracuje z prajektam.
Saša miarkuje, što ŭ novaj stratehii ad sajta najchutčej prajekt admovicca, całkam pierajšoŭšy na inšyja placoŭki.
«Pa-pieršaje, sajt zabłakavany i kolkaść čytačoŭ tam mizernaja: za 3 hady jana ŭpała ŭ 100 razoŭ i praciahvaje padać. Pa-druhoje, sajt u nas składany i ciažki, a sajtacentryčnaja redakcyja abychodzicca zanadta doraha kožny miesiac, hetyja hrošy nam usio ciažej znachodzić. Ale pakolki Kuku zaŭsiody byŭ pra ekśpierymient i śviežyja idei, to my pasprabujem z kamandaj zrabić miedyja na Patreonie, jaki ciapier daje takuju mahčymaść. Ciapier na staroncy Kuku tam tolki mierč, ale ŭ płanach raźmiaščać kantent, biaspłatny dla čytača, plus bonusy dla tych, chto choča padtrymać redakcyju», — kaža Saša.
Paśla vybaraŭ 2020 hoda redakcyja Kyky, jak i bolšaść niezaležnych miedyja, była vymušanaja pakinuć Biełaruś. Suzasnavalnik vydańnia biznesmien Alaksandr Vasilevič byŭ asudžany nibyta za ŭchileńnie ad vypłaty padatkaŭ (č. 1 art. 243 KK) da 3 hadoŭ kałonii. Jon byŭ pryznany palitviaźniem, a paśla vyzvaleńnia vyjechaŭ ź Biełarusi.
Apošnim časam pra prablemy ź finansavańniem i praz heta pra mahčymaść abmiežavańnia ci ŭvohule spynieńnia pracy havaryli i pradstaŭniki inšych biełaruskich niezaležnych ŚMI.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary
Ničoha ad ich nie zastajecca.
Navat padniaty imi kaliści hromki infašum vakoł niekatorych asobach źnikaje razam z hetymi sajtami.