«Absalutny kał». Z-vajenkary zajavili pra žachlivuju jakaść snaradaŭ z KNDR
Rasijskija artylerysty va Ukrainie skardziacca na nizkuju jakaść snaradaŭ, jakija ŭ 2023 hodzie pačała pastaŭlać Paŭnočnaja Kareja. Pa słovach pravajennych błohieraŭ, bolš za ŭsio narakańniaŭ atrymlivajuć jakaść i kolkaść porachu ŭ bojeprypasach, piša The Moscow Times.
Pavodle źviestak kaliści blizkaha da rasfarmavanaj PVK «Vahnier» telehram-kanała Grey Zone, rasijskim vajskoŭcam na ŭzbrajeńnie pastupajuć iranskija snarady, pra jakija adhukajucca «niadrenna», i paŭnočnakarejskija, jakija «praklinajuć». Z-za nizkaj jakaści porachu ich vykarystoŭvajuć u situacyjach, dzie «dakładnaść i kučnaść, dy i naohuł vychad snarada sa stvała majuć najmienšuju važnaść».
Iranskija snarady pakidajuć ślady sažy, ad jakich davodzicca čyścić bajok pryłady, adnak laciać «vielmi dobra», piša kanał «Portfiel Hienštaba». Paŭnočnakarejskija snarady laciać mima celi, dadaje jon, bo zarad porachu ŭ hilzach časta nie adpaviadaje zajaŭlenamu.
«Absalutny kał. Kali snarad dalacieŭ i razarvaŭsia — u raźliku harmaty śviata, usie tancujuć i śpiavajuć chvalebnyja pieśni staršyni Kimu. Kali snarad nie dalacieŭ i ŭpaŭ na hałavu našaj piachocie — skažycie dziakuj napaŭhałodnym karejskim padletkam, jakija sabrali jaho za misku rysu», — adznačaje Alaksiej Łarkin, supracoŭnik prajekta WarGonzo.
Pavodle jaho słoŭ, rasijskaj armii nie varta čakać niejkaha vysokatechnałahičnaha ŭzbrajeńnia ad paŭnočnakarejskich vytvorcaŭ, «kali jany nie ŭ stanie sabrać prościeńki snarad dla harmaty».
Ciapier čytajuć
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ43
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary