Viedajecie, chto na pratestach plavaŭ u tvar žurnalistu BT? Płatny ahient milicyi
Alaksiej Radyna — toj samy ŭdzielnik pratestaŭ-2020, jaki plunuŭ u tvar žurnalistu BT Alaksandru Charaŭcu. Što stajała za impulsiŭnaj reakcyjaj čałavieka, jaki nie prajšoŭ mima prapahandysta?
Akazvajecca, usio prosta. Radyna byŭ na zadańni. Jon — płatny ahient łukašenkaŭskich siłavikoŭ.
Miarkujučy pa bazach infarmacyi, 38-hadovy Alaksiej Radyna byŭ u rozny čas i kiroŭcam taksi, i budaŭnikom. Ahułam za žyćcio jon źmianiŭ bolš za 30 miescaŭ pracy, ale maje značeńnie tolki adno ź ich — kampanija «Łaryskor».
«Łaryskor» — fiktyŭnaje miesca pracaŭładkavańnia ludziej, jakich milicyja najmała dla dapamohi ŭ apieratyŭna-vyšukovaj dziejnaści. Naprykład, kali treba razhavaryć čałavieka ŭ kamiery, da jaho padsadžvali marhinała z «Łaryskora». Toj siadzić na sutkach, ale nie tamu što ździejśniŭ pravaparušeńnie, a tamu što heta jaho praca. Pry patrebie takija ahienty vykarystoŭvajucca i dla viadzieńnia luboj inšaj apieratyŭna-vyšukovaj dziejnaści.
Alaksiej Radyna — adzin z takich ludziej. Paśla plaŭka ŭ Charaŭca na jaho nasamreč skłali pratakoł pa artykule 23.34. Najchutčej, jaho źniavoleńnie było aformlenaje jak čarhovaja kamandziroŭka.
Miarkujučy pa źviestkach «Viasny», u 2020 hodzie Radynu «zatrymlivali» dvojčy. Paśla Maršu hierojaŭ 13 vieraśnia jon atrymaŭ 14 sutak. A 25 kastryčnika daviałosia «adkazvać» za incydent z Charaŭcom.
Z «Našaj Nivaj» pahutaryŭ adzin z susiedziaŭ pravakatara. «Jon raniej žyŭ u našym dvary. Tam jaho i zatrymali praź niekalki dzion paśla taho maršu ź plaŭkom. Alaksiej paśla raspaviadaŭ, što jaho nibyta prypiakali elektrašokieram. I skazaŭ, što jamu paraili bolš nie žyć u našym dvary. Nu i źjechaŭ kudyści. Apošni raz bačyŭ jaho pierad Novym hodam 2020/2021. Infarmacyju pra jaho znajšli vypadkova. U dvary paśla abmiarkoŭvali, što my jak durni źbirali dapamohu, a jon, akazvajecca, byŭ z «Łaryskora».
Charaviec kaža, što adrazu prabačyŭ Radynu. Što ž, usio łahična: u toj dzień na zadańni byli abodva.
Čytajcie jašče:
Što za karespandent BT čaplajecca da padletkaŭ na niadzielnych maršach?
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary