U Biełarusi dazvalajuć rekłamu ałkaholu na telebačańni, ale zabaraniajuć rekłamu adukacyi i pracy za miažoju
Alaksandr Łukašenka padpisaŭ zakon, jakim unosiacca papraŭki ŭ zakanadaŭstva ab rekłamie — zakon ab źmienach aficyjna apublikavany na Nacyjanalnym pravavym internet-partale.
Zakon źmiaščaje niekatoryja pasłableńni ŭ rekłamie. Tak, pavialičany na hadzinu čas dla rekłamy piva, słabaałkaholnych napitkaŭ, ihralnych ustanoŭ i azartnych hulniaŭ. Kali raniej takija rekłamnyja roliki možna było tranślavać z 22 hadziny, to ciapier z 21 hadziny i, pa-raniejšamu, da 7 hadziny.
Zakon ciapier dazvalaje rekłamu ałkaholu — u načny čas, z 22 da 7 hadziny.
Razam z hetym uvodzicca zabarona na raźmiaščeńnie rekłamy ab pracaŭładkavańni i navučańni pa-za miežami Biełarusi. Za adnym vyklučeńniem — takuju rekłamu možna budzie pabačyć na sajtach arhanizacyj i IP, jakija zajmajucca dziejnaściu, źviazanaj z pracaŭładkavańniem pa-za miežami Biełarusi i akazvajuć pasłuhi na nakiravańni na navučańnie za miežami krainy.
Z zaŭvažnaha taksama toje, što dakumient admianiaje zabaronu na raźmiaščeńnie rekłamy na škle ciahnikoŭ mietrapalitena.
Bolšaść pałažeńniaŭ hetaha zakona nabuduć moc praz paŭhoda paśla aficyjnaha apublikavańnia.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary