U łondanskim vydaviectvie Skaryna Press vyjšła novaja kniha biełaruskaha paeta Sieržuka Sysa «Dom. Paezija vyhnańnia 2021-2023».
«Kniha vieršaŭ «DOM» — heta ekzistencyjny paetyčny ekskurs u niaprostyja časy, jakija zakranuli Biełaruś paśla 2020 hoda, tonkija psichałahičnyja ekspresii aŭtara pra ŭcioki z radzimy praź piać krain, pačatak rasijskaj ahresii va Ukrainie, sproba asensavańnia rečaisnaści dy pošuki novaha miesca ŭ žyćci», — prezientuje sam aŭtar knihu ŭ fejsbuku.
«Kniha pisałasia apošnija try hady ŭ roznych krainach, u roznych miescach. I tamu, kali ja kanceptualna stvaraŭ hetuju knihu paezii, ja staraŭsia naŭmysna paznačać i daty, i miescy, dzie napisana. I dla mianie jana — kniha-dziońnik, chiba što paetyčny. Tam možna pahladzieć evalucyju, jakuju ja pieražyŭ ad času majho vyhnańnia ź Biełarusi ŭ lipieni 2021 hoda: tyja miescy, dzie ja žyŭ, maje emocyi, maje pieražyvańni. Atrymaŭsia paetyčny emacyjny partret toj rečaisnaści, u jakoj ja byŭ», — adznačaje jon u intervju radyjo «Ŭnet».
Nabyć knihu možna na sajcie vydaviectva Skaryna Press.
Čytajcie taksama:
«Sałodkaja Darusia». Vyjšła novaja kniha vydaviectva «Pflaŭmbaŭm»
Kamientary
Na vokładku knihi choć pahladzicie.
[Imia pachodzić ad rymskaha Sergius, to-bok je tut karaniovaje. Pakolki słova daŭno asvojenaje, na piśmie ŭ im adlustroŭvajecca jakańnie ŭ pieršym składzie pierad naciskam.
U formie Sieržuka - druhi skład pierad naciskam, tamu jakańnie nie adlustroŭvajecca -- karektar]