У лонданскім выдавецтве Skaryna Press выйшла новая кніга беларускага паэта Сержука Сыса «Doм. Паэзія выгнання 2021-2023».
«Кніга вершаў «DOM» — гэта экзістэнцыйны паэтычны экскурс у няпростыя часы, якія закранулі Беларусь пасля 2020 года, тонкія псіхалагічныя экспрэсіі аўтара пра ўцёкі з радзімы праз пяць краін, пачатак расійскай агрэсіі ва Украіне, спроба асэнсавання рэчаіснасці ды пошукі новага месца ў жыцці», — прэзентуе сам аўтар кнігу ў фэйсбуку.
«Кніга пісалася апошнія тры гады ў розных краінах, у розных месцах. І таму, калі я канцэптуальна ствараў гэтую кнігу паэзіі, я стараўся наўмысна пазначаць і даты, і месцы, дзе напісана. І для мяне яна — кніга-дзённік, хіба што паэтычны. Там можна паглядзець эвалюцыю, якую я перажыў ад часу майго выгнання з Беларусі ў ліпені 2021 года: тыя месцы, дзе я жыў, мае эмоцыі, мае перажыванні. Атрымаўся паэтычны эмацыйны партрэт той рэчаіснасці, у якой я быў», — адзначае ён у інтэрв'ю радыё «Ўнэт».
Набыць кнігу можна на сайце выдавецтва Skaryna Press.
Чытайце таксама:
«Салодкая Даруся». Выйшла новая кніга выдавецтва «Пфляўмбаўм»
Цяпер чытаюць
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі29
Каментары
На вокладку кнігі хоць паглядзіце.
[Імя паходзіць ад рымскага Sergius, то-бок е тут каранёвае. Паколькі слова даўно асвоенае, на пісьме ў ім адлюстроўваецца яканне ў першым складзе перад націскам.
У форме Сержука - другі склад перад націскам, таму яканне не адлюстроўваецца -- карэктар]