«Сітуацыя зараз на палітычнай арэне напружаная». Раёнка апублікавала каментары прыбіральшчыцы наконт інтэрв’ю Лукашэнкі часопісу Time
Раёнка «Чырвоны Кастрычнік» гарадскога пасёлка Акцябрскі апублікавала выказванні мясцовых жыхароў з нагоды інтэрв'ю Аляксандра Лукашэнкі амерыканскаму журналісту Сайману Шустэру.
У асноўным, далі выказванні запар ідэолагаў — ідэолагаў розных арганізацый і нават міліцыі, кіраўніка мясцовага аддзялення «Белай Русі», дэпутата, журналіста гэтага выдання (не выключана, што ён і быў аўтарам апытання). Таму, імаверна, вырашылі даць слова і простым людзям. Каментарыі па інтэлектуальнай моцы ад гэтага нічога не страцілі і ніяк не вылучаліся адзін ад аднаго, бо каментатарам трэба было толькі хваліць Лукашэнку — яго мудрасць, адкрытасць і тое, што той гаварыў, як заўсёды, сумленна і, як заўсёды, справядліва.
Ксенія Дабранская, вахцёр раённага цэнтра творчасці дзяцей і моладзі сказала наступнае:
— Праглядзела выступленне Прэзідэнта нашай краіны Аляксандра Рыгоравіча Лукашэнкі, які даў інтэрв'ю сусветнаму выданню — часопісу Time і яго журналісту Сайману Шустэру. У кожным слове прасочваецца перакананне Кіраўніка дзяржавы аб тым, што Беларусь — міралюбівая краіна і ўсяляк садзейнічае прадухіленню канфліктаў на планеце.
Сітуацыя зараз на палітычнай арэне напружаная, але шматвектарнасць знешняй палітыкі Беларусі становіцца сусветным брэндам.
Адкрытасць нашай краіны паказвае яе імкненне да ўзаемавыгаднага супрацоўніцтва паміж краінамі. Ад нас — моладзі, можа мала што залежыць, але мы таксама за адносіны народаў без санкцый, абмежаванняў, пагроз і войнаў.
Наталля Дайнека, прыбіральшчыца тэрыторый дзіцяча-юнацкай спартыўнай школы мяркуе так:
— Сур'ёзная размова адбылася паміж нашым Прэзідэнтам Аляксандрам Лукашэнкам і амерыканскім журналістам Сайманам Шустэрам. Уважліва сачыла за кожным пытаннем і адказам. Тэмы закраналіся рознабаковыя, самыя сур'ёзныя і глабальныя. Але самае галоўнае, што ўсё зводзілася да міралюбнасці і жыцця без вайны, да таго, што сёння, мабыць, хвалюе кожнага беларуса ў першую чаргу. Наш народ, у адрозненне ад заходніх краін, не прэтэндуе на чужыя землі і суверэнітэт. Інтэрв'ю атрымалася шчырым і змястоўным.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары
Не претендуем на чужие земли это когда регулярно грозят соседям нанести превентивный удар? Когда постоянно трут о сувалском клридоре? Когда на политических ток-шоу периодически обсуждают, что и Белосточчину можно было бы вереуть?
Ну да, ну да...