Na Paleśsi pabačyli dziŭnuju mietearałahičnuju źjavu — navalničny kaŭnier
Hetu źjavu zafiksavali nad Pinskam, paviedamlaje telehram-kanał Nadvorie.
Navalničny, abo škvalny kaŭnier — ahulnaja nazva raznavidnaściaŭ kučava-daždžavych abłokaŭ.
Jość roznyja vidy navalničnaha kaŭniara ci abłokaŭ — šmatpaviarchovyja, vyhnutyja, płoskija i valnyja abłoki. Utvarajucca z-za taho, što ŭ navalničnym froncie chałodnaje pavietra, u toj čas jak pa-za miežami frontu, naadvarot, ciopłaje. Paśla sutyknieńnia hetych dvuch patokaŭ ciopłaje pavietra padymajecca ŭvierch, a chałodnaje — uniz, u vyniku čaho chmaraj i nabyvaje adpaviedny vyhlad.
Valnyja abłoki atrymali svaju nazvu z-za taho, što padobnyja na doŭhi vał. Hety typ abłokaŭ čaściej za ŭsio farmirujecca na miažy atmaśfiernych frantoŭ, zaŭsiody na piarednim krai navalnicy. Takija abłoki ŭtvarajucca na vyšyni 100—2000 mietraŭ.
Učora praź Biełaruś čarhovy raz prakacilisia navalnicy.
Kamientary
Nie toje kab vielmi dziŭnaja źjava, byvaje davoli časta.
Pa naźvie ŭ biełaruskaj movie, na moj pohlad, lepš padychodzić "škvalny", a nie "navalničny". Navalnicy byvajuć roznyja, nie tolki takija, a hetaje vobłaka-"kaŭnier" - tolki na linii škvału (squall line).