Pa vynikach lipienia hadavaja inflacyja ŭ Biełarusi praciahnuła raści i dasiahnuła 7,4%. Miesiacam raniej jana składała 7,3%. Pra heta śviedčać danyja Biełstata.

U paraŭnańni z červieniem indeks spažyvieckich cen skłaŭ 100,2%, a ŭ paraŭnańni ź śniežniem 2024 hoda — 105,6%.
Bolš za ŭsio ceny za hod vyraśli na pradukty — na 10,6%. Za miesiac ceny dadali ŭsiaho 0,02%. Pa vynikach červienia hadavaja inflacyja na pradukty była krychu nižej — 10,5%.
Hadavaja inflacyja pa niepraduktovych tavarach akazałasia na ŭzroŭni 3%, chacia jašče pa vynikach červienia jana była roŭnaja 3,2%. Za miesiac ceny dadali 0,1%.
Pa pasłuhach hadavy rost cen skłaŭ 7,6% suprać 7,1% miesiacam raniej. Za miesiac ceny dadali 0,7%.
Kamientary