Apierataru Cichanoŭskaha admovili ŭ palityčnym prytułku ŭ Šviecyi. Jon baicca, što jaho departujuć u Biełaruś
Kanstancinu Siarohinu ŭdałosia paźbiehnuć kryminalnaha pieraśledu i pakinuć Biełaruś.
Kanstancina Siarohina zatrymlivali z druhim apierataram Arciomam Sakavym, jakoha asudzili ŭ vyniku da 16 hadoŭ kałonii, u červieni 2020 hoda. Ale jamu ŭdałosia paźbiehnuć kryminalnaha pieraśledu i źbiehčy ź Biełarusi. Tak Kanstancin ź siamjoj praź niekatory čas apynuŭsia ŭ Šviecyi. Jon prasiŭ pradastavić palityčny prytułak u suviazi ź jahonym pieraśledam na radzimie, ale dniami jamu admovili. Kanstancin vielmi chvalujecca, što jaho ź siamjoj mohuć departavać u Biełaruś, piša «Viasna».
«Heta samaje žudasnaje, što ja moh ad ich pačuć. Ja vielmi hetym uzrušany. I heta paśla bolš 22 hadzin intervju i masy pradstaŭlenych dokazaŭ z majho boku. Spravu jany pačali razhladać 4 śniežnia, i, pa sutnaści, jany pryniali rašeńnie za 2 tydni pa takim vializnym i abjomnym kiejsie. Ciapier mianie i siamju chočuć adpravić u Biełaruś.
Ja b chacieŭ pryciahnuć uvahu hramadskaści i maksimalna aśviatlić hetaje biaźmiežža ź ich boku i biezadkaznaje staŭleńnie da našych žyćciaŭ».
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP17
Kamientary