Palicy adnoj z dvuch najbujniejšych biełaruskich sietak bytavoj chimii prykmietna spuścieli, a niekatoryja kramy začynilisia. U MARH spytali, što adbyvajecca i što budzie dalej.
Ministerstva antymanapolnaha rehulavańnia i handlu Biełarusi ŭ kursie situacyi z handlovaj sietkaj «Vostraŭ čyścini i smaku», ale nie budzie jaje kamientavać, zajaviŭ karespandentu Sputnik Biełaruś pieršy namieśnik ministra antymanapolnaha rehulavańnia i handlu Biełarusi Ivan Viežnaviec.
«Heta tema kamiercyjnaja, tamu nie kamientujem», — skazaŭ jon.
Viežnaviec adznačyŭ, što MARH u cełym adsočvaje asartymient tych ci inšych tavaraŭ na rynku, i z bytavoj chimijaj prablem pakul niama.
«U hetaj hrupie [u bytavoj chimii] dastatkova pradaŭcoŭ. Abjekty pracujuć… Usie astatnija kamiercyjnyja pytańni — heta da kampanijaŭ», — zajaviŭ pradstaŭnik ministerstva.
Raniej u mnohich mahazinach sietki «Vostraŭ čyścini i smaku» rezka apuścieli palicy, prapali mnohija vidy tavaraŭ. Pierastaŭ pracavać interniet-mahazin, roŭna jak i słužba dastaŭki. Niekatoryja kramy sietki zakrylisia ŭ biahučym hodzie. Šerah partnioraŭ «Vostrava» pakul jašče adhružajuć tavary, spadziejučysia, što situacyja vypravicca.
Kiruje kramami i brendami hrupa kampanij «Romaks». Jaje asnoŭnyja bienieficyjary — siamja Viktara Ramuka. Na Ramukoŭ pracavali bolš za 7000 čałaviek.
Jak raniej paviedamlała «Naša Niva», Ramuka aryštoŭvali ŭ 2022-m. Za vychad tady daviałosia zapłacić vialikuju sumu ŭ niekalki miljonaŭ dalaraŭ. Finansavyja prablemy ŭ sietki ŭźnikli taksama praz chiby ŭ biznes-madeli i ekanamičnyja šoki na rynku: skaračeńnie kupčaj zdolnaści, rost cany impartu praz padzieńnie rubla, abmiežavańnie maksimalnaj nacenki pa 713-m ukazie, padaražeńnie kredytaŭ.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1515
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata15
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary