U «Vostravie čyścini» pierastała pracavać dastaŭka. Što tam adbyvajecca
Taksama prypynili pracu niekatoryja kramy sietki.
Sietka kram «Vostraŭ čyścini i smaku» spyniła prymać zajaŭki na dastaŭku tavaraŭ. Office Life patelefanavaŭ u kampaniju, kab zrazumieć, što adbyvajecca.
U kantakt-centry kampanii paćvierdzili, što dastaŭka praduktaŭ sapraŭdy prypynienaja, bo idzie «techničnaje abnaŭleńnie, pracujem nad sajtam».
Čytačy paviedamili pra niepracujučyja kramy sietki, adna z takich raźmieščana na vulicy Surhanava ŭ Minsku. Jak udakładnili ŭ kampanii, hety abjekt začynieny «pa rašeńni kiraŭnictva, časova».
U pačatku lipienia ŭ internet patrapili źviestki 730 tysiač pakupnikoŭ roźničnaj sietki. Pa hetym fakcie kampaniju praviaraŭ Nacyjanalny centr abarony piersanalnych źviestak.
A ŭ kancy vieraśnia stała viadoma, kampanija «Romaks», jakaja kiruje «Vostravam čyścini i smaku» dy «Vostravam zdaroŭja», sutykajecca ź finansavymi ciažkaściami.
Kiruje kramami i brendami hrupa kampanij «Romaks». Jaje asnoŭnyja bienieficyjary — siamja Viktara Ramuka. Na Ramukoŭ pracujuć bolš za 7000 čałaviek.
Jak raniej paviedamlała «Naša Niva», Ramuka aryštoŭvali ŭ 2022-m. Za vychad tady daviałosia zapłacić vialikuju sumu ŭ niekalki miljonaŭ dalaraŭ. Finansavyja prablemy ŭ sietki ŭźnikli taksama praz chiby ŭ biznes-madel i ekanamičnyja šoki na rynku: skaračeńnie kupčaj zdolnaści, rost cany impartu praz padzieńnie rubla, abmiežavańnie maksimalnaj nacenki pa 713-m ukazie, padaražeńnie kredytaŭ.
Ciapier čytajuć
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada9
Kamientary