U vydańni «Novy čas» pamianiałasia kiraŭnictva, syšła Aksana Kołb
Hałoŭnaja redaktarka vydańnia «Novy čas» Aksana Kołb paviedamiła ŭ fejsbuku, što paśla vaśmi hadoŭ kiravańnia pakinuła svaju pasadu. Novym hałoŭnym redaktaram užo peŭny čas źjaŭlajecca Siarhiej Pulša.
«Bolš za 28 hadoŭ tamu ja pryjšła ŭ kamandu haziety «Zhoda», jakaja ŭ 2007-m stała kamandaj «Novaha času». 28 hadoŭ ja pracavała i sustrakałasia z cudoŭnymi ludźmi, rabiła toje, što mnie padabałasia, z zadavalnieńniem i zachapleńniem. Bolš za 8 hadoŭ ja była hałoŭnym redaktaram najlepšaha vydańnia ŭ Biełarusi. Spadziajusia, našamu šefu, Alaksieju Karalu, na Niabiosach nie było za mianie soramna. «Novy Čas» byŭ maim domam i majoj siamjoj. Ale čas idzie napierad», — napisała Aksana Kołb, vykazaŭšy spadziavańnie, što Siarhiej Pulša atrymaje padtrymku z boku čytačoŭ.
Što ž tyčycca samoj Aksany Kołb, to jana adznačyła što «pakul nie viedaju, čym budu zajmacca, prynamsi da taho času, pakul nie zmahu viarnucca ŭ Biełaruś». I tamu adkrytaja dla lubych prapanoŭ.
Aksana Kołb uznačaliła hazietu «Novy čas» u składanyja dla jaje časy, kali ŭ vieraśni 2015 hoda pamior jaje zasnavalnik i šmathadovy hałoŭny redaktar Alaksiej Karol. Hetaja hazieta paśla 2020 hoda šmat miesca na svaich staronkach pryśviačała pytańniam palitźniavolenych i karystałasia papularnaściu siarod ich. Ale vychad papiarovaha vydańnia «Novaha času» byŭ vymušana spynieny ŭ žniŭni 2021 hoda. U kastryčniku 2021-ha ŭ redaktaraŭ «Novaha času» praviali pieratrusy, ale i paśla taho jahonaja hałoŭnaja redaktarka zastavałasia ŭ Biełarusi.
20 krasavika 2022 hoda Aksanu Kołb zatrymali. Amal dva miesiacy jana była źniavolenaja, a 15 červienia 2022-ha sudździa suda Centralnaha rajona Minska Dźmitryj Karsiuk pryznaŭ jaje vinavataj pa č. 1 art. 342 Kryminalnaha kodeksa — udzieł u dziejańniach, jakija hruba parušajuć hramadski paradak i pryznačyŭ 2,5 hady «chimii». Taki termin joj pryznačyli za ŭdzieł u adnym žnivieńskim maršy ŭ 2020 hodzie.
Nieŭzabavie paśla abviaščeńnia prysudu Aksana źjechała ź Biełarusi. U pačatku 2023-ha pravaabarončaja supolnaść Biełarusi pryznała jaje žurnalistkaj 2022 hoda.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu11
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3030
Kamientary