Sudziać redaktarku «Novaha času» Aksanu Kołb. Joj staviać u vinu ŭdzieł u šeści 16 žniŭnia 2020 hoda
Praces projdzie ŭ sudzie Centralnaha rajona Minska (sudździa — Dźmitryj Karsiuk).
Aksanu Kołb zatrymali 20 krasavika. 22 krasavika joj vystavili abvinavačvańnie pa art. 342 č. 1 KK RB (Arhanizacyja i padrychtoŭka dziejańniaŭ, jakija hruba parušajuć hramadski paradak abo aktyŭny ŭdzieł u ich). Z taho času jana znachodzicca za kratami.
Aksanie Kołb staviać u vinu ŭdzieł u šeści 16 žniŭnia 2020 hoda. Prysutničaje pradstaŭnik Minsktransa. Aksana vinu poŭnaściu pryznała.
Taksama Minsktrans padaŭ pazoŭ na 5980 rubloŭ 11 kapiejek. Aksana Kołb častkova pryznała pazoŭ, bo na prajeznaj častki znachodziłasia litaralna niekalki chvilinaŭ.
Prakuror paličyŭ vinu dakazanaj i patrabuje dla Aksany Kołb 2,5 hoda «chimii» z nakiravańniem u papraŭčuju ŭstanovu adkrytaha typu.
Praciah suda — 15 červienia.
***
Aksana Kołb u žurnalistycy z druhoj pałovy 1990-ch, pracavała ŭ haziecie «Zhoda», zatym u «Novym časie». Jana ŭznačaliła vydańnie ŭ 2015 hodzie paśla śmierci zasnavalnika haziety Alaksieja Karala.
«Novy čas» byŭ ci nie adzinym biełaruskim vydańniem, jaki traplaŭ u turmy i jaki mahli čytać palitviaźni. Nakład haziety dasiahaŭ 7 tysiač asobnikaŭ. Adnak spačatku «Biełsajuzdruk» razarvaŭ damovu na raspaŭsiud, a ŭ žniŭni 2021 hoda i typahrafii admovilisia drukavać hazietu, tamu vychad papiarovaj viersii byŭ prypynieny. Uvosień byŭ zabłakavany sajt.
Niahledziačy na cisk na žurnalistaŭ, dopyt u SK u kastryčniku 2021 hoda Aksana Kołb pryncypova vyrašyła zastacca ŭ Biełarusi.
«Dla siabie ja vyrašyła, što nikudy nie pajedu ŭ lubym vypadku, choć u mianie i jość takaja mahčymaść. Nie tamu, što ja voś taki hieroj ci supieržančyna.
A tamu, što ja nie mahu skazać, što nie ŭ Biełarusi mnie budzie lepš, čym u Biełarusi. Navat za kratami, — raskazvała jana žurnalistam.
— Inšy važny dla mianie momant, jaki, mahčyma, prahučyć pafasna, — heta čytačy. Heta ludzi, jakija zastajucca ŭ krainie. Kali ja pajedu, a jany zastanucca — heta budzie pa-zdradnicku ŭ adnosinach da ich. Za hety čas u nas źjaviłasia vielmi šmat čytačoŭ, jakija nam prosta pavieryli. Mnohija dahetul prychodziać u redakcyju, niahledziačy na toje, što ŭžo nie vychodzić papiarovaja viersija haziety. Prychodziać, kab pahutaryć, vyhavarycca, atrymać niejkuju maralnuju padtrymku. Ja nie mahu sabie dazvolić kinuć hetych ludziej».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty12
Kamientary