Apošni numar «Novaha Času» adpravili padpisčykam — bolš haziety nie budzie
«Siońnia zapakavali i adpravili padpisčykam apošni pry hetaj uładzie papiarovy «Novy Čas». Ščyry dziakuj usim, chto byŭ razam usie hetyja hady! Biez vas ničoha b nie atrymałasia. My jačše abaviazkova vierniemsia. Sustreniemsia ŭ Novaj Biełarusi!», — napisała ŭ svaim fejsbuku hałoŭnaja redaktarka Aksana Kołb.
Hazieta vydavałasia z sakavika 2002 hoda. Jaje hałoŭnymi redaktarami byli ŭ rozny čas Alena Anisim, Alaksiej Karol, Aksana Kołb.
Apošni hod hazieta zastavałasia amal apošniaj niezaležnaj hazietaj, što vydavałasia ŭ Biełarusi. Jaje vypisvali ŭ kałonii i turmy palitviaźniam, piensijaniery, prosta z salidarnaści.
Spačatku ad haziety admovilisia kijoski, zatym «Biełpošta». «Novy Čas» sabraŭ danyja čytačoŭ i sam dasyłaŭ numary padpisčykam, ale ad siońnia ź imi admoviłasia pracavać pryvatnaja typahrafija, dzie drukavałasia vydańnie, a znajści inšuju ŭ našych umovach nierealna.
Sa žniŭnia 2020 hoda Biełaruś straciła papiarovyja «Narodnuju volu», «SN+», «Hazietu Słonimskuju», «Inteks-pres», ź lipienia hetaha hoda «Rehijanalnuju hazietu», vymušana drukavacca za miažoj «Kamsamołka».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary