Palitźniavolenaha eks-śpiecnazaŭca znoŭ buduć sudzić. Jaho zatrymali za dzień da adjezdu za miažu
Padčas zatrymańnia Jana Papkoviča mocna źbili, a taksama strełam paranili jahonaha sabaku.
Jan — eks-śpiecnazaviec, były inkasatar «Biełhazprambanka», jaki zvolniŭsia i źbiraŭsia razam z žonkaj i bratam Alesiem u vieraśni 2022 hoda źjazdžać u Polšču. Ale napiaredadni byŭ zatrymany hrupaj «Alfa». Padčas zatrymańnia Jana mocna źbili, taksama strełam paranili jahonaha sabaku, nahadvaje «Viasna».
Jaho asudzili da 4 hadoŭ kałonii. Jana pryznali vinavatym pavodle art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak) i č. 1 art. 13 i č. 1 art. 361-3 KK (padrychtoŭka da ŭdziełu na terytoryi zamiežnaj dziaržavy va ŭzbrojenym farmavańni).
Ciapier stała viadoma, što pa inicyjatyvie administracyi mahiloŭskaj kałonii № 15 suprać jaho zaviali kryminalnuju spravu pavodle č. 1 art. 411 KK (złosnaje niepadparadkavańnie zakonnym patrabavańniam administracyi kałonii). Sud nad Janam raspačniecca ŭ Mahilovie 14 śniežnia. Spravu budzie razhladać sudździa Taćciana Michajłava.
Padtrymajcie palitviaźnia: PK №15. 213105, h. Mahiloŭ, p/a Viejna, Słaŭharadskaja šaša, 183
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary
Słava Hierojam - sumlennym eks-śpiecnazaŭcam!
Kali łaska, ludzi, bieražycie siabie. Ni z kim nie abmiarkoŭvajcie svaje płany i namiery.