Va Ukrainie rasśledujuć zabojstva rasiejcami biazzbrojnych bajcoŭ USU, što zdavalisia ŭ pałon
Ofis hienprakurora Ukrainy paviedamiŭ ab pačatku rasśledavańnia paśla apublikavańnia videa, na jakim rasiejskija vajskoŭcy rasstrelvajuć bajcoŭ USU, što zdavalisia ŭ pałon. Učora ŭ siecivie zjaviłasia videa rastrełu, vierahodna, kala siała Ściapnoha Danieckaj vobłaści.
Prajekt Deep State, jaki adsočvaje chod bajavych dziejańniaŭ va Ukrainie, 2 śniežnia apublikavaŭ videa z drona, na jakim, jak śćviardžajecca, rasiejcy zastrelili ŭkrainskich vajskoŭcaŭ, jakija zdalisia ŭ pałon praź niedachop bojekamplektu.
Na videa bačna, jak hrupa asob u rasiejskaj formie va ŭpor rasstrelvaje dvuch biazzbrojnych vajskoŭcaŭ u formie USU, što vychodzili ź blindaža z padniatymi rukami.
Ofis hienprakurora Ukrainy nahadvaje, što zabojstva vajennapałonnych zjaŭlajecca hrubym parušeńniem Ženieŭskich kanviencyj i kvalifikujecca jak ciažkaje mižnarodnaje złačynstva.
Kamientary