Ва Украіне расследуюць забойства расейцамі бяззбройных байцоў УСУ, што здаваліся ў палон
Офіс генпракурора Украіны паведаміў аб пачатку расследавання пасля апублікавання відэа, на якім расейскія вайскоўцы расстрэльваюць байцоў УСУ, што здаваліся ў палон. Учора ў сеціве зʼявілася відэа растрэлу, верагодна, каля сяла Сцяпнога Данецкай вобласці.
Праект Deep State, які адсочвае ход баявых дзеянняў ва Украіне, 2 снежня апублікаваў відэа з дрона, на якім, як сцвярджаецца, расейцы застрэлілі ўкраінскіх вайскоўцаў, якія здаліся ў палон праз недахоп боекамплекту.
На відэа бачна, як група асоб у расейскай форме ва ўпор расстрэльвае двух бяззбройных вайскоўцаў у форме УСУ, што выходзілі з бліндажа з паднятымі рукамі.
Офіс генпракурора Украіны нагадвае, што забойства ваеннапалонных зʼяўляецца грубым парушэннем Жэнеўскіх канвенцый і кваліфікуецца як цяжкае міжнароднае злачынства.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары