Biełaruskaja spartoŭka zapisała kryk dušy: Ja stamiłasia vychodzić na pustyja stadyjony
Lehkaatletka Iryna Žuk, jakaja stavić nacyjanalnyja rekordy ŭ skačkach z šastom, paskardziłasia, što nikomu nie cikavaja.
«Ja stamiłasia vychodzić na pustyja stadyjony, skakać rekordy Biełarusi, dzie staić 10 čałaviek. Heta baluča, heta niepryjemna navat dzieści. Ty razumieješ, što ty historyju ciapier stvaraješ adna.
I kali maje videa, ad taho, što ja raskazvaju, što jość taki vid sportu, ad taho, što ja pakazvaju, što adbyvajecca za kadram hetaha vidu sportu, jakija byvajuć prablemy, kali heta pryciahnie jašče chacia b 50 čałaviek na stadyjon, ja budu šalona rada. Kali nie, ja skažu: nu, značyć ludziam nie cikavyja skački z šastom, pravilna? Jak im moža być cikava toje, pra što jany nikoli nie čuli i čaho jany nikoli nie bačyli?» — kaža Iryna na videa ŭ tyktoku.
Nakont pratestaŭ paśla vybaraŭ u 2020-m i vajny va Ukrainie spartoŭka nie vykazvałasia. Ale, jak pisała «Trybuna», lehkaatletka ličyła niespraviadlivym mižnarodny ban u dačynieńni biełaruskich spartoŭcaŭ i płakała z-za hetaha. Muž Iryny, dziesiaciborac Vital Žuk, padpisaŭ list u padtrymku Łukašenki.
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3030
Kamientary