Kurejčyka abvinavacili, što jon napisaŭ scenar pra pałkavodca Suvorava. A jak usio było?
Prapahandyst Ryhor Azaronak na svaim kanale pakpiŭ ź biełarusaŭ, jakija paśla pratestaŭ-2020 vykazvali mierkavańnie, adroznaje ad taho, što tranśluje Alaksandr Łukašenka i jaho śvita. Dastałasia akcioram Paŭłu Charłančuku i Alaksandry Borcič, a taksama scenarystu i režysioru Andreju Kurejčyku.
«Zmahar pradajecca za lubyja babki. Choć za baksy, choć za šekieli, choć za rubli», — adreahavaŭ Azaronak na navinu pra toje, što biełaruski komik Andrej Skarachod, jaki ŭ 2020 hodzie žartavaŭ z Łukašenki, ciapier kamplimientuje rasijskim vajskoŭcam.
«Za rubli pradaŭsia. I nie adzin jon, darečy. Kurejčyk voś, nie spyniajučysia zmahacca, scenar pra Suvorava napisaŭ. A Charłančuk z kubła Łatuški zašybaje hrošy ŭ pucinista Biazrukava ŭ Hubiernskim teatry. A była jašče takaja Saša Borcič — taksama na kramloŭskija hrošy Instytuta raźvićcia internetu padsieła (apošni, siarod inšaha, padtrymlivaje vytvorčaść rasijskich sieryjałaŭ i kino. — NN)».
Saša Borcič u 2020 hodzie padtrymlivała pratestoŭcaŭ i navat vyjšła na adzinočny pikiet kala pasolstva Biełarusi ŭ Maskvie. Eks-kupałaviec Pavieł Charłančuk uvohule byŭ zatrymany i asudžany pavodle artykuła 23.34 KoAP (siońniašni 24.23 — «Parušeńnie paradku arhanizacyi ci praviadzieńnia masavych mierapryjemstvaŭ»).
U jakaści abvinavačańnia Andreju Kurejčyku, jaki ŭ 2020 hodzie dałučyŭsia da dziejnaści Kaardynacyjnaj rady, Azaronak pradjaviŭ toje, što režysior nibyta tady ž, paralelna sa svajoj dziejnaściu ŭ apazicyjnaj palitycy, pracavaŭ z rasijanami i pisaŭ dla ich scenar pra ruskaha pałkavodca Alaksandra Suvorava.
Multfilm pra Suvorava pad nazvaj «Vialikaje padarožža» ad kinastudyi «Sajuzmultfilm» sapraŭdy vyjšaŭ na ekrany ŭ 2022 hodzie, i Andrej Kurejčyk mieŭ da jaho dačynieńnie. Praŭda, na etapie eskizaŭ u 2013 hodzie.
«Na słužbie ŭ vialikaha rasijskaha pałkavodca Alaksandra Suvorava vypadkova i pad čužym imieniem akazvajecca prosty 16‑hadovy chłopiec Hryša. 1799 hod, idzie vajna z Napaleonam, armiju čakaje šviejcarski pachod praz Alpy. Hryša maryć chutčej viarnucca da svajoj kachanaj Soni, i mienavita kachańnie dapamahaje jamu źmianicca: stać śmiełym, rašučym, vajavać z francuzami — i navat ździejśnić sapraŭdny ŭčynak i dapamahčy samomu Suvoravu», — havaryłasia ŭ aficyjnym apisańni siužeta.
«Ja byŭ suaŭtaram pieršaha drafta dziciačaha mulcika «Vialikaja vandroŭka». Ale paśla nad im pracavali inšyja ludzi, niekalki razoŭ pierapisvali, pamianiali jamu nazvu i, jak ja razumieju, mocna źmianili siužet taksama. Ja sam mulcik nie bačyŭ, tamu što pracavaŭ, kali jašče byli tolki jaho eskizy. Tak što ja navat nie viedaju, što tam unutry. Ale adznaču, što z ruskimi ja nie pracuju z 2020 hoda», — prakamientavaŭ Andrej Kurejčyk «Našaj Nivie».
«Naša Niva» — bastyjon biełaruščyny
PADTRYMAĆByły kupałaviec Charłančuk žyvie ŭ Rasii i zdymajecca ŭ «patryjatyčnych» sieryjałach
Skandał ź sieryjałam «Akreścina» — stvaralniki adstojvajuć pravy na prajekt
Vialikaja hutarka z Chalezinym — jak prapanoŭvali adlot Łukašenku, pra Sańnikava i žurnalistyku 90-ch, teatr i hrošy
Pra biełaruskija pratesty-2020 zdymuć maštabnuju hulniavuju dramu — raskazvajem padrabiaznaści
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
Ale ž śmiardziučaje "Dviženije vvierch" - heta 17-ty hod, jak admazacca?
2. Nie nadta vierycca Kurejčyku, asabliva paśla taho, jak jon vykazvaŭsia pra 1990-ja, niejkija paŭtory rasiejska-łukašenkaŭskaj prapahandy, tolki ŭ inšym fanciku.
3. Z takimi tempami "rasśledavańniaŭ" praz 5 hadoŭ moža narešcie źjavicca artykuł ź nievierojatnym adkryćciom, što ŭ 2020 da roznych struktur prysałasala nadta šmat prarasiejskich ci naŭropst rasiejskich elemientaŭ. Tych, jakija jašče da 2022 nie bačyli ničoha drennaha ŭ pracy na russkij mir. Chacia niadaŭni prykład Skarachoda pakazaŭ, što i paśla 22 niekatoryja nie pierastali. Prosta adna častka mienš, a inšyja bolš adkryta.