«Vinšujem ciapierašnich hierojaŭ-abaroncaŭ»: biełaruski komik Andrej Skarachod pavinšavaŭ rasijskich vajskoŭcaŭ
U 2020 hodzie Andrej Skarachod žartavaŭ z Łukašenki i prapanoŭvaŭ Marharycie Laŭčuk zdymać śmiešnyja videa razam. Ciapier ža, imavierna, chvalujecca za ciopłaje miesca na TNT, a Marharytu zabaniŭ za niazručny kamientar.
Biełaruski komik Andrej Skarachod, jaki ciapier pracuje na rasijskim telekanale TNT, u instahramie pavinšavaŭ padpisčykaŭ z Dniom hierojaŭ Rasii.
«U hety dzień ušanoŭvajuć Hierojaŭ Savieckaha Sajuza, Hierojaŭ Rasijskaj Fiederacyi i kavaleraŭ ordena Śviatoha Hieorhija i ordena Słavy. Hierojami nie naradžajucca, hierojami stanoviacca ŭ čas vyprabavańniaŭ. U kožnaj eposie byli svaje hieroi — ludzi, jakija mužna abaraniali svaju Ajčynu! Siońnia vinšujem ciapierašnich hierojaŭ-abaroncaŭ, a taksama ŭšanoŭvajem hierojaŭ, jakija addali žyćcio ŭ minułym za ŭsich nas!» — z pafasam napisaŭ jon.
Hety dopis vielmi aburyŭ biełaruskuju śpiavačku Marharytu Laŭčuk, jakaja hulała z maleńkim synam pa parku Charkava — dzie nie było śviatła praz abstreły Rasii.
U emacyjnym storys Marharyta raskazała, što asabista paznajomiłasia z Andrejem Skarachodam u 2022 hodzie ŭ Kijevie — jašče da pačatku vajny.
— A što zdaryłasia, Andruša? Ty ž u 2020 hodzie byŭ za Biełaruś, pra Łukašenku zdymaŭ usiakija prykolčyki, mnie prapanoŭvaŭ z taboj zdymacca. A što ciapier z taboj? Pavietra atručana ŭ Rasii?
Marharyta pakinuła Andreju kamientar pad tym dopisam: «Słava Ukrainie i Žyvie Biełaruś!» — komik, nie doŭha dumajučy, zabaniŭ śpiavačku. Dyj uvohule abmiežavaŭ mahčymaść kamientavać vinšavańnie. Ale ž ludzi pryjšli ŭ kamientary pad inšymi videa humarysta i pačali tam pieradavać pryvitańni ad Marharyty, a taksama dzialicca svaimi dumkami nakont pazicyi Andreja.
Darečy, u 2022 hodzie Andrejem Skarachodam cikavilisia biełaruskija siłaviki. Tady praŭładnyja telehram-kanały paviedamlali, što komik nibyta pakinuŭ abraźlivy kamientar pra «žančynu-patryjotku, jakaja pryjšła padtrymać siłavikoŭ u ciažkija časy». HUBAZiK namiakaŭ uradžencu Starych Daroh na ekstradycyju z Rasii ŭ Biełaruś.
«Stendap — heta novy rep». Adzin z samych daśviedčanych biełaruskich komikaŭ Naryškin — pra vałanciorstva pad Akreścina, žarty pra Łukašenku i zajzdraść da Usoviča
Biełaruski komik pieramoh u polskim humarystyčnym telešou
Žarty brazilca pra Biełaruś razyšlisia pa sacsietkach. Jabaćki ŭžo nazyvajuć jaho bečebešnikam
Biełarusy, jakija stali zorkami ŭ Rasii: što ź imi stała za čas poŭnamaštabnaj vajny?
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary