U Biełaruś nie dali ŭvieźci vialikuju partyju rybałoŭnych snaściaŭ z Rasii
Partyju rybałoŭnych snaściaŭ koštam amal 360 tysiač rubloŭ sprabavali niezakonna pieravieźci z Rasii, schavaŭšy tavar siarod pražy. Siarod hruza byli taksama tavary, vyrablenyja ŭ trecich krainach, pa jakich nie było źviestak pra vypłatu mytnych płaciažoŭ pry ŭvozie na terytoryju JEAES, paviedamlaje Dziaržaŭny mytny kamitet.
Parušeńnie vyjavili viciebskija mytniki padčas śpiecyjalnych mierapryjemstvaŭ na biełaruska-rasijskim učastku miažy. Jany spynili hruzavik Mercedes-Benz.
Kiroŭca padaŭ dakumienty tolki na pražu vahoj kala 800 kh. A voś na bolš jak 100 tysiač adzinak rybałoŭnych snaściaŭ u asartymiencie, jakija taksama znachodzilisia ŭ hruzaviku, nijakich dakumientaŭ u jaho nie było.
Za parušeńnie paradku transpartavańnia tavaraŭ Viciebskaja mytnia pačała administracyjny praces u dačynieńni da biełaruskaha indyvidualnaha pradprymalnika pa art. 13.12 KaAP Respubliki Biełaruś.
Sankcyja hetaha artykuła praduhledžvaje štraf da 50% ad koštu pradmieta administracyjnaha pravaparušeńnia.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary