Upieršyniu ŭ Biełarusi prachodziać vučebna-palavyja zbory dla vučniaŭ 10‑ch kłasaŭ — z hetaha hoda jany stali abaviazkovymi paśla ŭklučeńnia ŭ navučalnuju prahramu. «Fłahštok» vyvučyŭ spravazdačy pra pačatak zboraŭ u rajonach Homielskaj vobłaści.
U niekatorych rajonach, naprykład, u Naraŭlanskim, adkryćcio zboraŭ prachodziła pry ŭdziele staršyniaŭ rajvykankamaŭ. U inšych vypadkach zbory adkryvali nie tolki piedahohi i čynoŭniki, ale i vajskoŭcy, pramaŭlajučy pafasnyja pramovy.
U Lelčycach na mierapryjemstva zaprasili navat vakalnaje trya. U svajoj spravazdačy rajonnyja ideołahi nie chavali metu zaniatkaŭ, jakija abaviazali prachodzić školnikaŭ — mahčymy ŭdzieł u vajnie:
«Novy čas patrabuje novych hierojaŭ — ludziej mocnych ducham, addanych svajoj Radzimie, hatovych abaraniać svoj dom, svaju siamju i svaju krainu. Naš narod va ŭsie časy słaviŭsia mužnaściu, stojkaściu i addanaściu svajoj krainie. Našy dziady i pradziedy abaraniali rodnuju ziamlu ŭ hady Vialikaj Ajčynnaj vajny, prajaŭlali hieraizm i samaaddanaść dziela miru i svabody. Siońnia heta zadača maładoha pakaleńnia».
Pradstaŭnik miascovaha vajenkamata padkreśliŭ ideałahičnuju zadaču: «Na hetych zborach budzie sfarmavany sapraŭdny patryjot Radzimy».
Na fota možna ŭbačyć vajskoŭcaŭ śpiecnaza, jakija dziažurać tut u miežach «uzmacnieńnia miažy» — jany pakazali školnikam uzbrajeńnie.
Amal u kožnym rajonie padletkam razdali ŭniformu roznaha typu. Kali ŭ Lelčycach školnikaŭ adzieli ŭ čyrvonyja i zialonyja majki i biejsbołki, to ŭ inšych rajonach, pieravažna, u kamuflažnuju formu. U niekatorych rajonach, u pryvatnaści, u Žytkavickim, nijakaj uniformy naohuł nie dali.
Namioty taksama amal usiudy roznyja: niedzie sučasnyja turystyčnyja, u inšych miescach — staryja savieckija, u niekatorych vypadkach — naohuł handlovyja pałatki, a dzie-nidzie — pazyčanyja ŭ vajskoŭcaŭ.
Jak raspaviadaŭ «Fłahštok», dziela praviadzieńnia zboraŭ u mnohich rajonach pravodzili tendary na zakupku vintovak, namiotaŭ i inšych pradmietaŭ, ale na Homielščynie takija zakupki abviaščali, u asnoŭnym, tolki dla arhanizacyi charčavańnia.
Ź miascovych biudžetaŭ zakuplajuć proćmu tavaraŭ dla praviadzieńnia zboraŭ. Košt adnoj vintoŭki, naprykład, — amal 2,4 tys. rubloŭ.
Procivahazy, makiety aŭtamataŭ i hranat, aŭtamatnyja ražki, papiarovyja karty — usio heta taksama dastali vajenruki sa starych savieckich zapasaŭ.
Namiotavyja łahiery zładzili na školnych stadyjonach, u niekatorych miescach łahiery zrabili pierasoŭnymi, a jość vypadki, kali školniki naohuł načujuć u spartzałach, a nie ŭ namiotach. Da prykładu — u Čačersku i Jelsku. Vidać, tam namioty dla zboraŭ dastać nie zmahli, i padletki śpiać u łožkach z roznymi paścielnymi kamplektami: imavierna, kožnamu pryjšłosia prynosić svoj z domu.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała24
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5555
Kamientary