Instytut sučasnych viedaŭ u Minsku prakamientavaŭ pastupleńnie Taćciany Bułanavaj
«U Taćciany Ivanaŭny nie budzie jakich-niebudź asablivych pryvilej jak u znakamitaj śpiavački», — skazaŭ pieršy prarektar.
Papularnaja ŭ 90‑ia rasijskaja śpiavačka Taćciana Bułanava pastupiła ŭ Instytut sučasnych viedaŭ imia Šyrokava ŭ Minsku — najstarejšuju pryvatnuju navučalnuju ŭstanovu Biełarusi. Pra heta artystka raskazała na čyrvonaj darožcy XIII Narodnaj premii «Zorki Darožnaha radyjo».
56‑hadovaja zasłužanaja artystka Rasii raskazała, što nadumała atrymać adukacyju, u tym liku z žadańnia niekali stać narodnaj artystkaj.
Sa słoŭ Bułanavaj, u pryvatnym univiersitecie jana budzie vučycca pavodle indyvidualnaha płanu.
— Tam vielmi cikavyja dyscypliny. Psichałohija, historyja mastactvaŭ, historyja žyvapisu — mnie sapraŭdy heta vielmi padabajecca, ja navat siadžu ŭ internecie i šmat čytaju roznych artykułaŭ.
Bułanava dadała, što płanuje rehularna pryjazdžać u Minsk i sustrakacca z vykładčykami. Ciapier jana ŭžo atrymała studencki bilet i zaličanaja na pieršy kurs śpiecyjalnaści «muzyčnaje mastactva estrady».
Taćciana Bułanava prasłaviłasia ŭ 90‑ia dziakujučy chitam «Jasnyj moj śviet», «Nie płaċ», «Moj son». Apošnija miesiacy jaje imia znoŭ stała virusnym — hałoŭnym čynam, praŭda, dziakujučy miemnym rucham artystaŭ padtancoŭki.
Niekatorymi padrabiaznaściami pra pastupleńnie viadomaj studentki ŭ Instytut sučasnych viedaŭ padzialiŭsia z Onliner pieršy prarektar univiersiteta Uładzisłaŭ Kadyra:
— Taćciana Ivanaŭna stała studentkaj zavočnaj formy navučańnia: jana razam ź inšymi navučencami budzie zdavać siesii dvojčy na hod. A pakolki zamiežnyja abituryjenty padajuć dakumienty vosieńniu, dla kožnaha ź ich raspracoŭvajecca indyvidualny vučebny płan, jaki dazvolić naviarstać prapuščanaje.
Heta značyć, što ŭ Taćciany Ivanaŭny nie budzie jakich-niebudź asablivych pryvilej jak u znakamitaj śpiavački — vyvučać dyscypliny i zdavać ekzamieny jana budzie jak i ŭsie. Pastupała jana taksama na ahulnych umovach, padavała dakumienty asabista. Čamu vybrała mienavita naš univiersitet? Heta ŭžo treba spytać u samoj zasłužanaj artystki.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ2
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary
Intieriesujet istorija živopisi, a postupiła na estradnoje iskusstvo, čtob połučiť zvanije Zasłužiennoj artistki