Pietr Čech staŭ pieršym, chto zhulaŭ u najvyšejšym dyvizijonie Anhlii i ŭ futbole, i ŭ chakiei
Były hałkipier łondanskaha «Čełsi» i zbornaj Čechii pa futbole Pietr Čech debiutavaŭ u Brytanskaj elitnaj chakiejnaj lizie (EIHL). Takim čynam, 41-hadovy spartsmien staŭ pieršym, chto zhulaŭ u najvyšejšym dyvizijonie Anhlii i ŭ futbole, i ŭ chakiei, piša Championat.com
Bramnik vyjšaŭ na lod u składzie «Biełfast Džajants» u trecim pieryjadzie, zamianiŭšy asnoŭnaha kipiera. Jaho kamanda atrymała pieramohu nad «Hłazha» ź likam 5: 1. Čech adbiŭ adzin kidok.
Čech źjaŭlajecca rekardsmienam pa kolkaści «suchich» matčaŭ u Anhlijskaj premjer-lizie (APŁ). Za «Čełsi» (2004—2015) były hulec pravioŭ 494 matčy va ŭsich turnirach. U składzie łondanskaha «Arsienała» (2015—2019) Čech zhulaŭ u 139 sustrečach. Bramnik zaviaršyŭ hulniavuju karjeru futbalista ŭ 2019 hodzie.
U kastryčniku 2006 hoda ŭ matčy suprać «Redynha» ŭ vyniku sutyknieńnia sa Styvienam Chantam jon atrymaŭ vielmi ciažkuju traŭmu hałavy, paśla čaho byŭ vymušany vystupać u śpiecyjalnym šlemie, u vyniku čaho atrymaŭ mianušku «Tankist».
«Biełfast Džajants» — čaćviorty kłub u chakiejnaj karjery byłoha futbolnaha hałkipiera. Da hetaha Čech vystupaŭ taksama za «Hiłfard Fieniks» i «Čełmsfard Čyftejns» ź nižejšych dyvizijonaŭ.
Šaranhovič zakinuŭ šajbu, zrabiŭ dva halavyja asisty i dapamoh «Kałhary» pieramahčy «Dałas»
«Toje, što ja ŭsio jašče adna praz 12 hadoŭ, havoryć pra mnohaje». Intervju z udavoj Rusłana Saleja ab žyćci biez muža, dzieciach, kachańni i boli
IICHF uklučyła chakiejnyja zbornyja Biełarusi i Rasii ŭ raskładku Alimpijady-2026. Pry adnoj viadomaj umovie
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie30
Kamientary