Biełaruskija desantniki pakazali instruktara pa pracy ź viernikami. Heta baciuška Arciemij
Na minułym tydni u miedyjach prajšła infarmacyja, što ŭ biełaruskaj armii źjaviłasia pasada instruktara pa pracy ź viernikami, na jakuju pryznačajucca vajskoŭcy terminovaj słužby z duchoŭnaj adukacyjaj.
U 38-j Bresckaj desantna-šturmavoj bryhadzie vakansija hetaja ŭžo zaniataja. Na novuju pasadu pieraviedzieny pryzyŭnik hetaha hoda ajciec Arciemij, paviedamlaje «Brescki vieśnik».
24-hadovy vajskoviec terminovaj słužby Arciom rodam z Łuninieckaha rajona. Jon skončyŭ duchoŭnuju sieminaryju ŭ Žyrovičach, ažaniŭsia i navat užo paśpieŭ dva hady prasłužyć śviatarom u adnym z pravasłaŭnych chramaŭ Pinska.
Śviatar-desantnik u 38-j bryhadzie spaznaje azy voinskaj słužby naroŭni sa ŭsimi, a kalehi navat nie padazravali, što jon maje śviaty san.
Ajciec Arciemij upeŭnieny, što «Carstva Niabiesnaje siłaj słova biarecca», i budzie prytrymlivacca hetaha pryncypu Śviatoha Pisańnia, zajmajučysia duchoŭna-maralnym vychavańniem sasłužyŭcaŭ.
Kamientary