Pavietranaja tryvoha była abjaŭlena ŭ šerahu abłaściej: Kijeŭskaj, Čarkaskaj, Čarnihaŭskaj, Sumskaj, Charkaŭskaj, Pałtaŭskaj, Dnieprapiatroŭskaj, Mikałajeŭskaj, Kiravahradskaj i Chiersonskaj. Ataka doŭžyłasia šeść hadzin, byli źbityja 75 šachiedaŭ.
«Zastavajciesia ŭ schovankach i inšych biaśpiečnych miescach padčas sihnału pavietranaj tryvohi. Prytrymvajciesia infarmacyjnaj cišyni — nie fiksujcie i nie vykładvajcie ŭ sieciva pracu našych abaroncaŭ», — paviedamili ŭ Kijeŭskaj abłasnoj vajennaj administracyi.
«Ataka varožych udarnych bieśpiłotnych latalnych abjektaŭ z poŭdnia i z paŭnočnaha ŭschodu praciahvajecca. Pahroza prymianieńnia ŭdarnych BPŁA dla abłaściej, u jakich abvieščanaja tryvoha, zastajecca», — paviedamili ŭ Kijeŭskaj haradskoj vajennaj administracyi.
U Kijevie byli čuvać mocnyja vybuchi. U Piačerskim rajonie ŭkrainskaj stalicy było padzieńnie abłomkaŭ źbitaha BPŁA. U Sałomienskim rajonie, u vyniku padzieńnia abłomkaŭ, adbyłosia ŭzharańnie ŭ pamiaškańni dziciačaha sadka.
Taksama było ŭzharańnie ŭ žyłym domie i niežyłych pamiaškańniach.
«Vajna z cyvilnymi, jak i 90 hadoŭ tamu. Tady — Haładamor [siońnia adznačajucca sumnyja ŭhodki Haładamoru — NN], ciapier rasiejcy taksama chacieli b, ale nie zmahli. Voś i zastajecca zapuskać «šachiedy» pa cyvilnych, ale za ŭsio budzie adkaz, za ŭsio budzie raspłata. Ukrainskaja nacyja jość i budzie. Ukrainskaja dziaržava budzie stanavicca ŭsio macniejšaj», — napisaŭ u svaim telehramie kiraŭnik Ofisa prezidenta Andrej Jarmak.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza3
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary