«Bajsoł» abjaviŭ akcyju «Padorym dzieciam cud», Ihar Słučak padtrymaŭ jaje aŭkcyjonam
Fond salidarnaści Bysol abviaściŭ akcyju, jakaja ŭ apošnija hady stała ŭžo tradycyjnaj. Meta jaje — paradavać dziaciej palitviaźniaŭ na kaladnyja śviaty.
«U mnohich biełaruskich dzietak chtości z baćkoŭ (a časam i abodva) u hety čas znachodzicca za kratami pa palityčnych matyvach. Mnohija siemji vymušanyja buduć sustrakać navahodnija śviaty ŭ čužoj krainie, u rastańni, nie majučy mahčymaści zrabić tradycyjnyja padarunki rodnym.
Dla nas, Biełaruskaha Fonda Salidarnaści BYSOL, važna, kab u hetyja časy ŭ siemjach palitźniavolenych śviata adbyłosia niahledziačy ni na što.
Razam z vami my možam zrabić tak, kab palitźniavolenyja baćki padaryli svaim dzieciam krychu radaści ŭ hetyja dni. Dziakujučy cudam, jakija my razam možam zrabić, jak hieroj viadomaj pieśni, — piša «Bajsoł», abjaŭlajučy zbor z namieram sabrać nie mienš čym 20 000 jeŭra.
Achviaravać na padarunki dzieciam palitviaznaŭ možna pa spasyłcy.
Na padarunak dla kožnaha dziciaci płanujecca vydzielić pa 100 jeŭra.
U padtrymku hetaj akcyi vystupiŭ viadomy hramadski aktyvist, «moŭny inśpiektar» i baćka dvuch małych dziaciej Ihar Słučak, jaki niadaŭna razam ź siamjoj pry dapamozie Bysol evakujavaŭsia ź Biełarusi.
Jon ad svajho imia abjaviŭ dabračynny aŭkcyjon, na jaki vystaviŭ błok davoli redkaj marki «Biełpošty» sa svajoj asabistaj kalekcyi. Na joj — repradukcyja lehiendarnaj i kultavaj karciny «Jeva» Chaima Sucina, što stała adnym ź simvałaŭ pratestaŭ 2020 hoda.
«Nie viedaju, čym ja kiravaŭsia padčas evakuacyi, ale zamiest dypłoma ab adukacyi abo palčatak uziaŭ hety błok marak. To niachaj jany pasłužać dobraj spravie. Usie atrymanyja srodki pojduć na kaladnyja padarunki dzieciam palitviaźniaŭ», — napisaŭ Ihar Słučak u fejsbuku.
Pačatkovaja staŭka vyznačanaja ŭ 100 jeŭra, to-bok u košt padarunka dla adnaho dziciaci, minimalny krok — 15 jeŭra.
Staŭku možna rabić u kamientarach publična, abo, kali publičnaść niemahčymaja ci niepažadanaja, jość varyjant napisańnia aŭtaru ŭ asabistyja paviedamleńni.
Aŭkcyjon zavieršycca 26 listapada ŭ 10:16 pa Minsku, marki atrymaje čałaviek, čyja staŭka budzie najvyšejšaj.
Na momant publikacyi hetaha materyjału staŭka darasła da 215 jeŭra.
«Praciahvaju pracavać». Stryžak z pałamanaj rukoj źniaŭ novaje videa
«Nieznajomka pryjšła i dała 500 dalaraŭ». Historyi taho, jak biełarusy dapamahajuć ziemlakam u biadzie
«Na nas hladzieli jak na varjataŭ. Doktarka admoviłasia prymać rody, bo mianie mahli paznać». Jak siamja Nahornaj i Słučaka chavałasia ad siłavikoŭ
Za sutki biełarusy sabrali 5000 jeŭra dla Aliny Nahornaj i Ihara Słučaka
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny37
Kamientary