Na kinafiestyvali «Listapad» pakazali źniaty ŭ Tatarstanie multfilm na vierš Janki Kupały
U Tatarstanie znachodzicca adziny ŭ Rasii muziej Janki Kupały.
Jak kažuć stvaralnicy stužki Elina i Alena Abyzavy — heta animavany vierš Kupały «Viečarynka».
Elina i Alena adrazu začaravali zału, pryvitaŭšysia na troch movach — biełaruskaj, ruskaj i tatarskaj. Jany raspaviali, što ŭ Tatarstanie znachodzicca adziny ŭ Rasii muziej Janki Kupały, tamu tvorčaść biełaruskaha paeta ich natchniła, piša «Źviazda».
A na pytańnie, ci časta Alena i Elina byvajuć u muziei Janki Kupały ŭ tatarskich Piačyščach, dzie biełaruski kłasik pravioŭ apošnija miesiacy žyćcia, dziaŭčaty zaśmiajalisia i adkazali, što dyrektar muzieja Ryma Abyzava — ich maci.
Tamu Janka Kupała dla ich — rodny. Jany ź dziacinstva viedajuć i zachaplajucca tvorčaściu biełaruskaha pieśniara.
I «Viečarynka» — nie adziny vierš Kupały, jaki dziaŭčaty pieratvaryli ŭ animacyju. Abiedźvie majuć kiniematahrafičnuju adukacyju, ale jak pradziusary. A multfilm rabili ŭdvuch. Sami malavali, sami pisali scenar — chacia Elina značycca jak režysior, a Alena jak scenaryst. Navat sami śpiavali pieśni — u stužcy hučyć biełaruskaja «Kupalinka».
Siostry Abyzavy ščyra cikaviacca Biełaruśsiu i biełaruskaj kulturaj, źbirajucca i ŭdaskanalvać svaje viedy i vałodańnie biełaruskaj movaj, i, zrazumieła, robiać novyja prajekty, źviazanyja z Kupałam.
-
Jeździli letam da babuli ŭ viosku? Konkurs «Viki lubić vioski» źbiraje lubyja zdymki 23 tysiač miastečak, viosak i chutaroŭ Biełarusi
-
Vietkaŭskuju kalekcyju čakannych akładaŭ na abrazy ŭpieršyniu pradstaviać u Nacyjanalnym mastackim muziei
-
U Mahilovie sa svajho miesca źnikła čechaŭskaja «Dama z sabačkam». Što ź joj budzie
Ciapier čytajuć
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary