Jak kavun staŭ simvałam salidarnaści z paleścincami va ŭsim śviecie. Usia sprava ŭ kolerach
Kavun u jakaści paleścinskaha simvała — źjava zusim nie novaja. Upieršyniu kavunovyja pratesty źjavilisia paśla vajny 1967 hoda, kali Izrail uziaŭ pad kantrol Zachodni bierah i siektar Haza.
Z pačatku ciapierašniaj vajny Izraila suprać CHAMAS vyjava kavuna stała simvałam pratestaŭ u padtrymku paleścincaŭ pa ŭsim śviecie, piša Bi-bi-si.
Kavun u jakaści paleścinskaha simvała — źjava zusim nie novaja. Upieršyniu kavunovyja pratesty źjavilisia paśla vajny 1967 hoda, kali Izrail uziaŭ pad kantrol Zachodni bierah i siektar Haza.
Tady izrailskija ŭłady zabaranili paleścinski ściah na hetych terytoryjach, zrabiŭšy jaho publičnuju demanstracyju kryminalna karanaj.
Kab abyjści zabaronu, paleścincy stali vykarystoŭvać kavun, bo ŭ razrezanym kavunie jość usie kolery paleścinskaha ściaha — čyrvony, čorny, bieły i zialony.
Izrail źniaŭ zabaronu na vykarystańnie paleścinskaha ściaha ŭ 1993 hodzie ŭ ramkach pahadnieńniaŭ u Osła, i ściah staŭ simvałam Paleścinskaj aŭtanomii, jakoj pieradavałasia kiravańnie siektaram Haza i Zachodnim bieraham.
«U siektary Haza, dzie kaliści zatrymlivali maładych ludziej za toje, što jany nieśli narezanyja kavuny — tym samym demanstrujučy čyrvony, čorny i zialony paleścinskija kolery, — sałdaty biezuvažna nazirajuć za pracesijaj, jakaja idzie pad niekali zabaronienym ściaham», — raspaviadaŭ reparcior New York Times Džon Kifnier paśla padpisańnia pahadnieńniaŭ u Osła.
Paśla hetych padziej mastaki pa ŭsim śviecie praciahnuli stvarać kavunovyja art-abjekty ŭ padtrymku paleścincaŭ. Adna z samych viadomych rabot naležyć Chaled Churani: u 2007 hodzie jon namalavaŭ kavun dla knihi pad nazvaj «Subjektyŭny atłas Paleściny».
Vyjava, jakaja atrymała nazvu «historyja kavuna», abjeździła ŭvieś śviet, staŭšy šyroka viadomaj padčas kanfliktu pamiž Izrailem i CHAMAS u mai 2021 hoda.
Sučasnaje vykarystańnie kavuna
U studzieni hetaha hoda ministr nacyjanalnaj biaśpieki Izraila Itamar Ben Hvir addaŭ rasparadžeńnie palicyi prybrać paleścinskija ściahi z hramadskich miescaŭ, zajaviŭšy, što razmachvańnie hetymi ściahami słužyć aktam padtrymki teraryzmu.
U adkaz na heta na maršach izrailskaj apazicyi znoŭ źjavilisia vyjavy kavunoŭ.
U ramkach izrailskaha zakanadaŭstva paleścinskija ściahi nie ličacca zabaronienymi, adnak palicyja i sałdaty majuć prava zdymać ich u tych vypadkach, kali isnuje pahroza hramadskamu paradku.
U lipieni na akcyi pratestu ŭ Jerusalimie demanstranty trymali ŭ rukach płakaty z vyjavaj kavuna i słovam «Svaboda».
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary