Izrailskija vojski prystupili da novaj fazy vajennaj apieracyi i viaduć nastup na Hazu adrazu pa dvuch napramkach.
CACHAŁ praciahvaje nastup u rajonie Hazy: vojski prasoŭvajucca z poŭnačy i poŭdnia, paviedamiła vajskovaja pres-słužba. U bajach z CHAMAS zadziejničany inžyniernyja vojski, piachota i braniatankavyja padraździaleńni pry sadziejničańni VPS, piša RBK.
Izrailskija vojski prystupili da novaj fazy vajennaj apieracyi i viaduć nastup na Hazu adrazu pa dvuch napramkach: z poŭdnia — u rajonie Ziejtun, i z poŭnačy — u rajonie Džabalii.
Nastup na poŭdni viadzie 36-ja dyvizija, a na poŭnačy — 162-ja dyvizija. Mienavita ŭ Džabalii znachodzicca centr kamandavańnia bryhady CHAMAS «Paŭnočnaja Haza» i «adzin z najbolš značnych apiryščaŭ terarystaŭ».
U bajavych dziejańniach z boku CACHAŁ zadziejničany inžyniernyja vojski, piachota i braniatankavyja padraździaleńni pry sadziejničańni VPS.
«Padčas sutyknieńniaŭ było zabita mnostva terarystaŭ, vojski nanieśli ŭdary pa vialikaj kolkaści abjektaŭ terarystyčnaj infrastruktury, uklučajučy padziemnuju infrastrukturu i važnyja abjekty terarystyčnaj arhanizacyi», — zajavili ŭ pres-słužbie.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary