Bjorndalen: My z Domračavaj u Biełarusi vajny nie adčuvajem
Ule-Ejnar Bjorndalen razam sa svajoj žonkaj Darjaj Domračavaj ź leta žyvie ŭ Biełarusi. Pra heta jon raspavioŭ narviežskamu vydańniu VG.
Try miesiacy tamu słavutyja bijatłanisty druhi raz stali baćkami: u 7-hadovaj Ksienii zjaviłasia maleńkaja siastra Mira. Naradžać Darja Domračava pryjechała ŭ Biełaruś.
«Rody adbylisia ŭ Biełarusi, krainie, jakaja, u tym liku, uvachodzić u sankcyjny śpis AAN, ES, Narviehii, Vialikabrytanii i ZŠA za rolu partniora Rasii ŭ vajnie suprać Ukrainy. Apošnija 29 hadoŭ Biełaruśsiu kiruje Alaksandr Łukašenka» — źviartaje ŭvahu vydańnie na situacyju.
Pierad hetym siamja žyła ŭ Manaka.
— Jana [Domračava] naradžała ŭ siabie na radzimie, u Biełarusi, potym zastałasia tam, kab supakoicca. Tak što zaraz my tam.
Kamientujučy svajo ciapierašniaje miesca žycharstva, Bjorndalen havoryć, što nie nadta pra heta dumaje.
Na pytańnie, jak jon adčuvaje vajnu, znachodziačysia ŭ Biełarusi, spartsmien havoryć:
— My ničoha nie adčuvajem i nie zaŭvažajem vajny ŭ Biełarusi, inakš nas tam nie było b.
Jon kaža, što vajna chvaluje ludziej u Biełarusi, jak i va ŭsim śviecie.
— Jany, viadoma, chočuć, kab usio było spakojna, — dadaje jon.
Na pytańnie pra situacyju ŭ Biełarusi, Bjorndalen adkazaŭ, što jon volny ŭ tym, što havoryć i ŭ jaho jość svajo mierkavańnie.
Bjorndalena spytali pra toje, što rasijskija i biełaruskija spartsmieny nie dapuskajucca da mižnarodnych spabornictvaŭ.
Jon adkazaŭ, što ličyć «absalutna naiŭnym, što vyklučeńnie biełarusaŭ i rasijan ź mižnarodnych spabornictvaŭ dapamoža vyrašyć vajenny kanflikt». Na jaho dumku, takija dziejańni tolki padzialajuć ludziej. Ale pakul nie skončycca vajna, heta pytańnie nie vyrašycca, miarkuje jon.
Taksama jon raspavioŭ, što bolš nie treniruje zbornuju Kitaja.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram8
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary