Nike padała ŭ sud na New Balance za kradziež technałohii vytvorčaści krasovak
Nike padała ŭ sud na New Balance i Skechers za vykarystańnie zapatentavanaj technałohii Nike Flyknit pry vytvorčaści vierchnich častak krasovak. Raniej anałahičnyja pazovy kampanija pradjaviła Adidas, Puma i Lululemon, piša RBK.
U pazovie havorycca, što kankurenty vykarystoŭvali pry vytvorčaści spartovych krasovak technałohiju Nike Flyknit, «jakaja dazvalaje Nike stvarać abutak z vydatnymi ekspłuatacyjnymi charaktarystykami, dyzajnam i estetykaj, i ŭsio heta pry skaračeńni kolkaści materyjałaŭ i adchodaŭ».
Jak udakładnili ŭ Nike, zapatentavanaja technałohija vykarystoŭvałasia pry vytvorčaści krasovak Skechers Arch Fit, Glide Step i Ultra Flex 3, a taksama New Balance Fresh Foam i FuelCell. U kampanii dadali, što heta nie pieršy jaje pazoŭ da Skechers z-za parušeńnia patentnych pravoŭ.
Pavodle źviestak Reuters, raniej Nike taksama padała ŭ sud na Adidas, Puma i Lululemon za parušeńnie patentnych pravoŭ na technałohiju Flyknit.
U adkaz Adidas padała sustrečny pazoŭ, śćviardžajučy, što technałohija padboru abutku Nike Adapt, prahramy dla trenirovak Run Club i Training Club, a taksama dadatak SNKRS dla prodažu abutku abmiežavanym nakładam parušajuć jaje patenty. U vyniku Adidas i Puma atrymałasia ŭrehulavać svaje pazovy, a pa spravie Nike suprać Lululemon rašeńnie pakul nie vyniesiena.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary