Hramadstva1212

Saładucha pra zatrymańnie Hrybalovaj: A jaje za što? Daj Boh, kab usio było dobra

Błohier Andrej Pavuk patelefanavaŭ śpievaku Alaksandru Saładuchu i spytaŭ, što toj dumaje pra zatrymańni kaleh pa scenie.

Alaksandr Saładucha. Fota: instahram śpievaka

Razmovu z artystam błohier apublikavaŭ u «Šuchier-šou» na kanale «Biełsat».

Pavuk spytaŭ Saładuchu, ci čuŭ jon pra apošnija kiepskija naviny. Toj ździviŭsia: usio ž dobra — u jaho kancerty, siomaja prymierka kaściuma ad adnaho i taho ž majstra.

Błohier raspavioŭ artystu, što dniami zatrymlivali (a paśla adpuścili) śpiavačku Łarysu Hrybalovu.

«Pieršy raz čuju, što, surjozna? — adkazaŭ Saładucha. — A jaje za što?»

«Hospadzi, hospadzi. Daj Boh, kab usio było dobra», — paspačuvaŭ Saładucha.

Pavuk raskazaŭ jamu naviny i pra Tor Band — muzykam niadaŭna dali ad 7,5 da 9 hod kałonii.

«A chto taki Tor Band?» — nie zrazumieŭ Saładucha.

Pavuk nahadaŭ samuju viadomuju pieśniu hurta z radkami «my nie bydło, nie stado, nie trusy».

«Nie čuŭ takoj pieśni», — adkazaŭ Saładucha.

Zrešty, i pra «Noč rasstralanych paetaŭ» u pamiać ab zabitych dziejačach kultury ŭ noč z 29 na 30 kastryčnika 1937 hoda jon ničoha nie čuŭ.

«Rasstralali naš ćviet nacyi», — zaŭvažyŭ Pavuk.

«Dzie — u Rasii ci Biełarusi? — pierapytaŭ śpiavak. — Nie viedaŭ i nie čuŭ, dyj i nie čytaŭ».

A dalej pachvaliŭsia, što ŭ jaho «mora zakazaŭ, kraina razryvaje na šmatki». «Nie, napeŭna, jość ludzi, jakija skardziacca, jakija płačuć, jakim ciažka». Im Saładucha raić vieryć u siabie i pracavać z ranku da nočy.

Ci padtrymlivaje jon vajnu Rasii suprać Ukrainy, Saładucha adkazvać nie staŭ, pačaŭ krucicca.

«Sa słoŭ i našaha prezidenta, i prezidenta Rasii viedaju, što apiaredzili, bo pavinny byli nanieści ŭdar z boku Ukrainy pa Rasii», — znajšoŭ tłumačeńnie.

A paśla skazaŭ, što ŭ jaho asabista «ŭsio supier, usio dobra».

«Ja žyvu ŭ cudoŭnaj šykoŭnaj krainie. Za sumlenna zaroblenyja hrošy, sumlenna płaciačy padatki. Ja pabudavaŭ raskošny dom sa svajoj siamjoj». 

«Nie vychodźcie bastavać, manifiestavać, nie treba. Treba ščyravać i pracavać kožnamu na svaim miescy ŭ svajoj halinie», — paraiŭ Saładucha.

I dadaŭ, što jamu nichto nie zabaraniaje pieć.

Kamientary12

  • Kastusik
    05.11.2023
    Aktualno... U prikorytnych brať intierv́ju... Naviernoje, komu-to očień intieriesna
  • Małoj
    05.11.2023
    S dietstva s bolšim uvažienijem otnošuś k Aleksandru Sołoduchie. Dast Boh, on poprijatstvujet osvoboždieniju i druhich polit zaklučionnych.
  • PIATRO
    05.11.2023
    I v Biełarusi jesť svoi Cyhanovy.

Ciapier čytajuć

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?7

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?

Usie naviny →
Usie naviny

Na vystavie «Biełahra» pieramoh Pryhožyn2

Pucin upieršyniu prakamientavaŭ padryŭ mosta, jaki abrynuŭsia na ciahnik u Branskaj vobłaści7

SBU apublikavała novyja kadry z dronaŭ, što bili pa aeradromach Rasii. Usio ž A-50 paškodžanyja taksama2

Biełaruska pakazała, što zmahła nabyć u «Jeŭraopcie» za 50 rubloŭ6

Pamierła Alaksandra Čarniaŭskaja

Prapahandysty zajavili pra zatrymańnie miadzielskaha muzyki, pra jakoha pisała Bondarava2

Francuzski tyktokier pryhatavaŭ biełaruskuju babku pad pieśniu Karža — i vyklikaŭ sprečku ab prynaležnaści Branska2

Ukrainskaja raźviedka ŭzłamała resursy vytvorcy stratehičnaj avijacyi Rasii

«Nie biažy. Ty nie zmožaš…» Na ŭskrajku Hrodna chodzić miadźviedź, ułady vystupili z papiaredžańniem2

bolš čytanych navin
bolš łajkanych navin

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?7

Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?

Hałoŭnaje
Usie naviny →

Zaŭvaha:

 

 

 

 

Zakryć Paviedamić