Łarysa Hrybalova paviedamiła, što jana doma. HUBAZiK źmianiŭ svoj dopis
Na staroncy Łarysy Hrybalovaj u fejsbuku źjaviŭsia dopis z nastupnym źmiestam: «Darahija maje, ja doma, usio dobra».
Siońnia była infarmacyja pra zatrymańnie śpiavački.
Treba adznačyć, što ŭ telehram-kanale HUBAZiK siońnia źjaviŭsia karotki dopis pra śpiavačku. «Tikajut časiki moi … hodikov na paru točno», — napisali siłaviki ŭ abied. Ale paźniej abnavili post.
Dadałosia łakaničnaje:
«Obnovlenije: «Vsio normalno, mama, tuk-tuk-tuk-tuk-tuk-tuk…» Nu počti».
Raniej Łarysa Hrybalova trapiła ŭ niehałosny śpis 80 vykanaŭcaŭ, jakim zabaroniena vystupać u našaj krainie.
U 2020 hodzie jana była adnoj z tysiač biełaruskich dziejačaŭ kultury, jakija vystupili suprać hvałtu i falsifikacyi vybaraŭ.
Łarysa Hrybalova — znakamitaja viadoŭca i śpiavačka. Viadomaść jana nabyła ŭ 90-ch hadach, kali stała tvaram papularnaj prahramy «Usio narmalna, mama!» na biełaruskim telebačańni.
Kamientary