U Biełarusi «aptymizujuć» kolkaść rabotnikaŭ biudžetnych arhanizacyj
Ekśpierymient zakranie ŭ asnoŭnym dziciačyja sady, škoły, palikliniki i centry sacyjalnaha absłuhoŭvańnia nasielnictva.
Pastanova, jakaja ŭkaraniaje novy padychod da pracy ŭ dziaržaŭnych ustanovach, apublikavanaja na Nacyjanalnym pravavym internet-partale — pra heta raspaviadaje vydańnie Tochka.by. Ukaz zakranie sistemy ministerstvaŭ achovy zdaroŭja, justycyi, kultury, adukacyi, sportu i turyzmu, pracy i sacyjalnaj abarony.
Novyja funkcyi atrymlivajuć kiraŭniki. Jany majuć prava «vyznačać aptymalnuju nahruzku rabotnikaŭ arhanizacyi ź liku rabočych i słužačych na praciahu ŭstanoŭlenaj im praciahłaści pracoŭnaha dnia».
U dakumiencie padkreślivajecca, što luboje źmianieńnie nie pavinna ŭpłyvać na terminy abo jakaść pracy.
Načalnik moža źmianiać štatny raskład, heta značyć, faktyčna skaračać štatnyja adzinki, kali paličyć patrebnym. Ale chto budzie vykonvać dadatkovuju pracu?
Tut uvodzicca termin «aptymizavanyja štatnyja adzinki». Tak nazvali supracoŭnikaŭ, na jakich načalnik uskładzie dadatkovuju nahruzku.
«Aptymizavanyja» atrymajuć dapłatu, ale dadatkovyja hrošy za aptymizacyju atrymajuć i kiraŭniki. Dapłata źjavicca ŭ tym liku praz ekanomiju srodkaŭ na dadatkovych rabotnikach.
Taksama jany buduć asobna značycca ŭ štatnym raskładzie — raździeł «aptymizavanyja prafiesii rabočych».
Stać supracoŭnikam novaha vidu možna tolki dobraachvotna. Dla hetaha patrebnaja piśmovaja zhoda słužboŭca, na padstavie jakoj načalstva aformić zahad.
Adnosiny buduć rehulavacca kantraktam, jaki abodva baki mohuć skasavać daterminova. Tam prapisany termin dziejańnia, abaviazki rabotnika i pamier dadatkovaj vypłaty. Jana budzie ličycca adsotkam ad asnoŭnaha akładu słužboŭca.
Ekśpierymient pravodzicca ŭ 26 biudžetnych arhanizacyjach, siarod jakich dziciačyja sady, škoły, centry tvorčaści, palikliniki, centry sacyjalnaha absłuhoŭvańnia nasielnictva, biblijateki i archivy pa ŭsioj Biełarusi, da 15 listapada 2024 hoda.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty27
Kamientary