Śviatłana Cichanoŭskaja 23 kastryčnika sustrełasia z premjer-ministarkaj Litvy Inhrydaj Šymanicie, paviedamlaje pres-słužba Cichanoŭskaj. Siarod inšaha palityki abmierkavali źmiakčeńnie ŭmoŭ lehalizacyi dla biełarusaŭ u Litvie, praciah terminu dziejańnia dazvołaŭ na žycharstva da troch hadoŭ i pašyreńnie praktyki vydačy pašpartoŭ inšaziemca.

Akramia taho, Cichanoŭskaja i premjerka Litvy abmierkavali niedapuščalnaść źmiakčeńnia sankcyj suprać kalijnych uhnajeńniaŭ, a taksama inšych dziaržaŭnych pradpryjemstvaŭ, jakija padtrymlivajuć represiŭny režym dyktatara Łukašenki. Cichanoŭskaja adznačyła važnaść zakryćcia ščylin u sankcyjnym režymie i abmiežavańnia tranzitu padsankcyjnych tavaraŭ.
U toj ža čas Śviatłana Cichanoŭskaja padziakavała Inhrydzie Šymanicie za nieŭraŭnoŭvańnie abmiežavańniaŭ suprać biełarusaŭ i rasijan, a taksama za rašeńnie nie zakryvać miežy dla biełarusaŭ. Cichanoŭskaja padkreśliła važnaść zachavańnia pasažyrskaha ruchu. Taksama jana paprasiła Šymanicie padtrymać Skarynaŭskuju himnaziju i biełaruskija inicyjatyvy ŭ Litvie.
U svaju čarhu, litoŭskaja premjerka vykazała padtrymku demakratyčnaj Biełarusi i zapeŭniła, što Litva praciahvaje i budzie praciahvać padtrymlivać Biełaruś na mižnarodnaj arenie. Pavodle jaje, patrabavańnie da režymu Łukašenki zastajecca niaźmiennym: vyzvalić i reabilitavać usich palityčnych viaźniaŭ, pravieści svabodnyja vybary.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Kamientary