Prezident Jeŭrakamisii: My budziem stajać na vašym baku stolki, kolki vy budziecie vieści baraćbu za svabodu Biełarusi
Padčas vystupu na forumie Junge Union u Braŭnšvajhu staršynia Jeŭrakamisii Ursuła fon der Lajen adkazała Śviatłanie Cichanoŭskaj:
«Śviatłana, my zachaplajemsia advahaj mužčyn i žančyn Biełarusi, jakija patrapili ŭ turmy z palityčnych pryčyn. I my budziem padtrymlivać vas stolki, kolki budzie praciahvacca vaša baraćba».
Ursuła fon der Lajen pryhadała sustreču z kiraŭnicaj Abjadnanaha pierachodnaha kabinieta Biełarusi ŭ Jeŭraparłamiencie i pramovu Śviatłany Cichanoŭskaj da parłamientaryjaŭ:
«Adzin momant ja zapomniła asabliva: ty kazała pra «hučnuju» vajnu, jakuju viadzie Pucin suprać Ukrainy. I pra «cichuju» vajnu — suprać ludziej u Biełarusi. Ty maješ racyju. U Minsku heta zdušanyja kryki źniavolenych, kryki źbitych i zakatavanych dyktataram. U Kijevie i Adesie — heta vybuchi rakiet, huki siren, płač ludziej, jakija stracili maciarok, baćkoŭ i synoŭ.
Ale niezaležna ad taho, «cichaja» vajna ci «hučnaja», meta dyktataraŭ taja samaja: hvałtoŭnaje padparadkavańnie krainy i jaje nasielnictva.
Śviatłana, my nie dapuścim, kab hetyja aŭtakraty taptali svabodu i pravy čałavieka ŭ Jeŭropie, i my budziem na vašym baku stolki, kolki vy budziecie vieści baraćbu za svabodu Biełarusi», — skazała Ursuła fon der Lajen.
Kamientary