Turcyja «vietliva paprasiła» kiraŭnika palitbiuro CHAMAS pakinuć krainu
Ismaił Chanija žyvie ŭ Katary, ale šmat času pravodzić u Turcyi — tam jon znachodziŭsia i ŭ momant napadu CHAMAS na Izrail.
Turcyja «vietliva paprasiła» kiraŭnika palitbiuro CHAMAS pakinuć krainu. Ułady Turcyi pryniali takoje rašeńnie paśla źjaŭleńnia ŭ sacsietkach videa, na jakim Chanija i inšyja pradstaŭniki kiraŭnictva CHAMAS «uznosiać malitvu padziaki» pry prahladzie navin ab napadzie na Izrail, paviedamlaje «Mieduza» sa spasyłkaj na vydańnie Al Monitor.
Pry hetym choć Turcyja, imavierna, i sprabuje dystancyjavacca ad CHAMAS, jana nie źbirajecca rabić bolš strohaj svaju pazicyju ŭ dačynieńni da hetaj hrupoŭki nastolki, nakolki hetaha chaciełasia b zachodnim krainam. U kiraŭnictvie CHAMAS, jak adznačaje vydańnie, taksama, jak vidać, nie ličać reakcyju tureckich uładaŭ prablemaj.
21 kastryčnika ŭ Redžepa Taipa Erdahana adbyłasia telefonnaja razmova ź Ismaiłam Chanija. Erdahan raspavioŭ Chanija pra sproby Ankary damahčysia režymu spynieńnia ahniu, arhanizacyi dastaŭki humanitarnaj dapamohi ŭ Hazu, a taksama paviedamiŭ pra mahčymaść lačyć paranienych paleścincaŭ u Turcyi.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary