Lemanhras, chamon z kački, chleb ź lisičkami. Top-10 niezvyčajnych praduktaŭ u kramach i na rynkach Minska
Žurnalisty vydańnia Myfin.by prajšlisia pa minskich mahazinach i rynkach u pošukach niezvyčajnych praduktaŭ. Jany znajšli 10 jadomych tavaraŭ, jakija ich ździvili, i sabrali ŭ nievialikuju padborku z cenami.
Lemanhras
Heta limonnaja trava (na fota źleva). Adroźnivajuć bolš za 50 vidaŭ. Lemanhras dastaŭlajuć da nas z Kitaja, Indyi, Tajłanda. U ježu idzie nižniaja častka ściabła, dzie zapasicca bolš za ŭsio aleistaha soku. Trava vielmi papularnaja ŭ azijackaj kuchni. Jaje dadajuć u supy, sousy, kary, marynady, napoi. Ličycca, što stravy, pryhatavanyja z hetaj travoj, nabyvajuć śviežy vodar i miakki prysmak, jaki nahadvaje sumieś limona i korania imbiru.
Košt: 65 rub. za kh.
Dzie znajšli: Kamaroŭski rynak.
Suničnyja maliny
Heta asablivy hatunak malin, raskazaŭ mužčyna, jaki pradavaŭ hetuju jahadu na rynku. Pa jaho słovach, smak jahady bolš padobny da smaku malin, choć smakavyja jakaści mienš jarkija. Jahady jaduć jak śviežymi, tak i hatujuć ź ich džemy, uzvary, vareńnie.
Košt: 10 rub. za šklanku 250 h.
Dzie znajšli: Kamaroŭski rynak.
Kaŭbasa ź miasa alenia i łasia ź jadłoŭcam, fundukom i čarnaślivam
Hetyja dalikatesy ź dzičyny vyrablaje pradpryjemstva «Krasny Bor Ekapradukt». Tam pierapracoŭvajuć dzičynu, jakaja zdabyvajecca palaŭničaj haspadarkaj «Krasny Bor». Zatym dadajuć takija niezvyčajnyja inhredyjenty, jak jadłoviec, čarnaśliŭ i funduk.
Cana: «Dzičyna ź jadłoŭcam», «Dzičyna z fundukom» — 63-64 rub. za kh, «Palaŭničy trafiej», «Dalikates jehierski ź jadłoŭcam» — kala 67 rub. za kh.
Dzie znajšli: hipiermarkiet Green.
Kare z łani
Hetuju pradukcyju vyrašyli ŭklučyć u nievialikuju padborku, bo kare łani — heta ŭsio ž redkaść na biełaruskich pryłaŭkach. Pradaviec adznačyŭ, što miasa łani pa smaku blizkaje da baraniny, a voś miasa alenia — da jałavičyny.
Cana: 61 rub. za kh.
Dzie znajšli: fiermierski rynak «Valarjanava».
Chamon z kački
My pryvykli, što pad chamonam čaściej za ŭsio majecca na ŭvazie syravialeny śviny kumpiak. Tut ža ŭdałosia znajści na rynku chamon z kački. Pradavačka skazała, što i na taki chamon jość svoj pakupnik. Što i nie dziŭna.
Cana: 18,80 rub. za kh.
Dzie znajšli: fiermierski rynak «Valarjanava».
Chleb ź lisičkami i vialenymi pamidorami
Cana: 7,90 rub. za kh.
Dzie znajšli: fiermierski rynak «Valarjanava».
Syr «Sent-Mor de Turen»
Syry pasprabavali znajści sapraŭdy niezvyčajnyja i vielmi cikavyja. Adnym ź ich źjaŭlajecca «Sent-Mor de Turen». Heta miakki kaziny syr. Jon maje formu cylindra, pakryty bieła-čornaj skarynačkaj, jakaja składajecca sa słajoŭ ćvili i popiełu. Na rynku akazaŭsia samym darahim z vykładzienych syroŭ.
Cana: 110 rub. za kh.
Dzie znajšli: fiermierski rynak «Valarjanava».
Syr «Bulet d'Avien»
Nastupny syr u našaj padborcy — francuzski «Bulet d'Avien» u formie konusa. Jak nam raskazała pradavačka, — jana ž sama jaho i robić — heta miakki syr. Na smak jon rezki, pikantny. Vyrablajecca z karovinaha małaka. U syrnuju masu dadajucca estrahon, piatruška i hvaździk dla nadańnia asablivaha smaku.
«Hety syr byvaje śviežy, a byvaje vytrymany. Voś u nas ciapier pradajecca druhi varyjant. Padčas pracedury paśpiavańnia abcirajecca pivam. Kamuści syr da smaku, kamuści — nie vielmi. Padajuć jaho da vina.
Cana: 15 rub. za 1 št.
Dzie znajšli: fiermierski rynak «Valarjanava».
Trachieja jałavičnaja
Jašče adzin niezvyčajny pradukt — trachieja jałavičnaja. Spytalisia ŭ pradaŭca, što ź jaje možna pryhatavać i ci jość na takuju pradukcyju kupiec.
«Viadoma, kuplajuć. My b tut nie stajali, — uśmichajecca žančyna. — Heta vielmi karysny pradukt. U trachiei jałavičyny źmiaščajecca kałahien, a jon, jak viadoma, umacoŭvaje kostki. Možna varyć ź jaje chałodnaje. A jašče kuplajuć dla sabak.
Košt: 4,90 rub. za kh.
Dzie znajšli: fiermierski rynak «Valarjanava».
Alenievyja rohi
Viadoma, žurnalisty ździvilisia, ubačyŭšy rohi alenia na praduktovym rynku. Jak akazałasia, ich kuplajuć u jakaści prysmakaŭ dla sabak. Pahadziciesia, taksama niezvyčajna.
Cana: 10 rub. za 100 h.
Dzie znajšli: fiermierski rynak «Valarjanava».
Čytajcie taksama:
«Nie, heta nie ź Italii». Biełarusy pabudavali fiermu mary i zanialisia niezvyčajnaj harodninaj
«Pakaštavać možna?» — «Treba». Što pačym sioleta na siezonnych sielhaskirmašach
-
11 hadzin štotydzień. Navukoŭcy adkryli jašče adzin sakret doŭhažycharoŭ
-
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku
-
Jakuju došku dla narezki vybrać — draŭlanuju ci płastykavuju? Što kažuć śpiecyjalisty
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary