Premjer Łatvii: Kančatkovaje rašeńnie ab admovie ad ruskaj movy ŭ hramadskich ŚMI nie pryniata
Raniej płanavałasia, što ruskaja mova budzie zabaroniena ŭ łatvijskich hramadskich miedyja z 2026 hoda.
Kančatkovaje rašeńnie ab admovie ad ruskaj movy ŭ hramadskich ŚMI nie pryniata, zajaviła premjer-ministr Łatvii Evika Silinia ŭ prahramie ŁTV «Ranišniaja Panarama», piša Delfi.lv.
28 vieraśnia Siejm zaćvierdziŭ novuju kancepcyju nacyjanalnaj biaśpieki, jakaja, u pryvatnaści, źmiaščaje ideju ab admovie ad ruskaj movy ŭ hramadskich ŚMI z 2026 hoda.
Pa słovach Silini, zaraz niama padstaŭ kazać pra toje, što heta sapraŭdy adbudziecca, bo zaćvierdžany dakumient źjaŭlajecca tolki kancepcyjaj, a nie kankretnym płanam dziejańniaŭ.
Jana dadała, što pa hetym pytańni z zacikaŭlenymi bakami i ekśpiertami jašče buduć dyskusii, a Ministerstva kultury raspracuje mietadyčnyja rekamiendacyi dla ŚMI, dzie pavinna być ahavorana hetaje pytańnie.
Z rašeńniem ab admovie ad ruskaj movy ŭ hramadskich ŚMI nie zhodnyja sami ŚMI, Saviet pa hramadskich elektronnych ŚMI i ministr kultury Ahnesie Łohina.
Stanam na 2023 hod, ruskich u Łatvii žyło 23 pracenty, ukraincaŭ i biełarusaŭ — pa try pracenty. Adnak u Ryzie ruskich 34 pracenty, ukraincaŭ — 4,86%, biełarusaŭ — 3,48%. U Daŭhaŭpiłsie (Dźvinsku) łatyšy naohuł składajuć usiaho 21 pracent, palaki — 13 pracentaŭ.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary