U Łatvii damovilisia ab kanfiskacyi aŭtamabilaŭ na biełaruskich numarach
Zakonaprajekt, raspracavany Ministerstvam justycyi, faktyčna zabaronić transpartnym srodkam, jakija byli zarehistravanyja ŭ Rasii i Biełarusi i raniej zajechali ŭ Łatviju, zastavacca ŭ krainie.
U kiroŭnaj kaalicyi Łatvii jość ahulnaje palityčnaje bačańnie i kanceptualnaje pahadnieńnie ab płanie kanfiskacyi transpartnych srodkaŭ, zarehistravanych u Rasii i Biełarusi ŭ tym vypadku, kali jany nie pakinuć Łatviju ci nie buduć pierarehistravanyja, paviedamiła premjer-ministarka Evika Silinia, piša Delfi.lv.
Zakonaprajekt, raspracavany Ministerstvam justycyi, faktyčna zabaronić transpartnym srodkam, jakija byli zarehistravanyja ŭ Rasii i Biełarusi i raniej zajechali ŭ Łatviju, zastavacca ŭ krainie.
U vypadku, kali na praciahu troch miesiacaŭ nie budzie ažyćcioŭlena pierarehistracyja transpartnaha srodku abo kali aŭtamabil nie pakinie Łatvii, čakajuć sankcyi až da kanfiskacyi transpartnaha srodku.
Silinia adznačyła, što adkaznyja ministerstvy pracujuć nad techničnymi rašeńniami, jakim čynam bazy danych mahli b vyznačyć, kali mienavita transpartnyja srodki zajechali ŭ Łatviju, bo ciapier takich danych niama. Taksama ekśpiertam jašče treba budzie raspracavać rašeńni jak pa terminach, tak i pa pracesie kanfiskacyi.
Ministr ekanomiki Viktars Vałajnis padkreśliŭ nieabchodnaść takoha rehulavańnia, bo, na jaho dumku, nieabchodna dumać pra biaśpieku žycharoŭ Łatvii.
«Heta nienarmalna, što ludzi ihnarujuć łatvijskaje zakanadaŭstva i parušajuć praviły, pierasoŭvajučysia pa našych darohach, vypraboŭvajučy pačućcio biespakaranaści i pahražajučy biaśpiecy inšych», — skazaŭ palityk.
Anałahičnaje mierkavańnie vykazaŭ i ministr znosin Kaspars Bryškiens, padkreśliŭšy aśpiekt biaśpieki darožnaha ruchu.
Palityk adznačyŭ, što kiroŭcy transpartnych srodkaŭ z rasijskimi ci biełaruskimi numarami časta parušajuć praviły darožnaha ruchu, a niezapłačanyja imi štrafy vymiarajucca niekalkimi dziasiatkami tysiač.
Bryškiens ličyć, što takoje pačućcio biespakaranaści nieabchodna terminova źmianić.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie5959
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie59
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary