Prezident Łatvii nazvaŭ try faktary, jakija prymusiać Kreml spynicca va Ukrainie
Edhar Rynkievič miarkuje, što padziei va Ukrainie nie mohuć razhortvacca «jak u halivudskim filmie ź dźviuma hadzinami padziej i raźviazkaj za 20 chvilin».
Prezident Łatvii Edhar Rynkievič miarkuje, što rasijskaje kiraŭnictva prymusiać zadumacca ab spynieńni vajny try faktary, piša «Jeŭrapiejskaja praŭda».
Rynkievič zaznačyŭ, što padziei va Ukrainie nie mohuć razhortvacca «jak u halivudskim filmie ź dźviuma hadzinami padziej i raźviazkaj za 20 chvilin».
Na jahonuju dumku, «ciapier stratehija Rasii — prosta praciahvać vajnu ŭ nadziei, što my ŭsie stamilisia», tamu ŭsim «treba praciahvać padtrymlivać Ukrainu ŭsim čym možam i taksama pakłapacicca pra ŭłasnuju abaranazdolnaść».
Prezident Łatvii nazvaŭ try faktary, jakija mohuć prymusić Kreml zadumacca ab spynieńni vajny.
«Pa-pieršaje, heta ŭśviedamleńnie, što Zachad hatovy padtrymlivać Ukrainu niezaležna ad taho ci inšaha pavarotu padziej. Pucin razumieje, što nie zmoža supraćstajać sukupnamu ekanamičnamu patencyjału ZŠA, Kanady i ES.
Pa-druhoje, sajuźniki Ukrainy pavinny pakazać, što poŭnyja rašučaści pavialičyć abaronny pramysłovy patencyjał i vyrablać usie snarady, bojeprypasy, rakiety, bieśpiłotniki i tanki, u jakich maje patrebu Ukraina, papaŭniajučy pry hetym svaje ŭłasnyja zapasy.
Pa-treciaje — heta prahres Ukrainy na poli boju, jaki prademanstruje Rasii, što ŭsie mary ab paŭtornym zachopie ŭžo vyzvalenych Ukrainaj terytoryj biessensoŭnyja».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB1
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary