Прэзідэнт Латвіі назваў тры фактары, якія прымусяць Крэмль спыніцца ва Украіне
Эдгар Рынкевіч мяркуе, што падзеі ва Украіне не могуць разгортвацца «як у галівудскім фільме з дзвюма гадзінамі падзей і развязкай за 20 хвілін».
Прэзідэнт Латвіі Эдгар Рынкевіч мяркуе, што расійскае кіраўніцтва прымусяць задумацца аб спыненні вайны тры фактары, піша «Еўрапейская праўда».
Рынкевіч зазначыў, што падзеі ва Украіне не могуць разгортвацца «як у галівудскім фільме з дзвюма гадзінамі падзей і развязкай за 20 хвілін».
На ягоную думку, «цяпер стратэгія Расіі — проста працягваць вайну ў надзеі, што мы ўсе стаміліся», таму ўсім «трэба працягваць падтрымліваць Украіну ўсім чым можам і таксама паклапаціцца пра ўласную абараназдольнасць».
Прэзідэнт Латвіі назваў тры фактары, якія могуць прымусіць Крэмль задумацца аб спыненні вайны.
«Па-першае, гэта ўсведамленне, што Захад гатовы падтрымліваць Украіну незалежна ад таго ці іншага павароту падзей. Пуцін разумее, што не зможа супрацьстаяць сукупнаму эканамічнаму патэнцыялу ЗША, Канады і ЕС.
Па-другое, саюзнікі Украіны павінны паказаць, што поўныя рашучасці павялічыць абаронны прамысловы патэнцыял і вырабляць усе снарады, боепрыпасы, ракеты, беспілотнікі і танкі, у якіх мае патрэбу Украіна, папаўняючы пры гэтым свае ўласныя запасы.
Па-трэцяе — гэта прагрэс Украіны на полі бою, які прадэманструе Расіі, што ўсе мары аб паўторным захопе ўжо вызваленых Украінай тэрыторый бессэнсоўныя».
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ20
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары